Quyida ushbu o'yinga bag'ishlangan fotomaqola bilan tanishing:
Futbolchilar maydonga tushib kelishmoqda. Uchrashuvni boshqarib borgan hakamlar o'z ishlarini a'lo darajada bajarishganini alohida takidlash joiz.
Har ikki jamoa sardorlari – Maruf Zokirjonov va Shahjahon Nasimovlar o'yinni kim boshlab berish borasida oydinlik kiritishmoqda.
Muhammadanas Hasanov o'yin davomida faolligi bilan ajralib turdi. Lekin gol urish unga nasib etmadi.
Uchrashuv davomida mana shunday holatlarga ko'p guvoh bo'ldik.
Har ikki jamoa darvozasi oldida xavfli vaziyat vujudga kelmoqda. Jamoalar muxlislarga hujumkor o'yin namoyish etib berishdi.
Raqib darvozasi oldidagi navbatdagi hujum samarasiz yakun topmoqda.
Har galgidek Doston Meliqo'ziev o'zining tinib-tinchimasligi bilan ajralib turdi.
Hisob tenglashgan vaziyat.
Gol muallifi Orif Mamajonovni jamoadoshlari qutlashmoqda.
Azizxon Ibragimov va “Qo'qon-1912” jamoasining sobiq o'yinchisi Shoxrux Xolmatovlar to'p uchun kurashda.
Abror Rahmonovning ikkinchi bo'limda maydonga tushishi o'rinbosarlarimiz o'yinini ancha jonlantirdi. Vaziyatlarning birida raqiblar hujumchimizni o'z jarima maydonchalari ichida qo'pollik bilan to'xtatib qolishdi. Natijada bosh hakam buxoroliklar darvozasiga penalti belgiladi.
Penaltini bajarish Maruf Zokirjonov zimmasiga tushdi…
… va uning zarbasi aniq nishonga bordi.
Ikkinchi gol muallifi Maruf Zokirjonov muxlislarda yaxshi taassurot qoldirdi.
Murabbiylar shtabi va zaxiradagi futbolchilar o'yinni sinchkovlik bilan kuzatib borishmoqda.
Bu esa muxlislarimiz – bugun ham “Markaziy” o'yingoh ishqibozlar bilan to'lishiga umid qilib qolamiz. Ularning qo'llab-quvvatlashlari jamoamizga qo'shimcha kuch bag'ishlashi shubhasiz.
