"Хавотирга ўрин йўқ, таркибга ёшлар жалб қилинади"

"Қуръа ҳақида фикр билдирадиган бўлсам, биринчи турда Жиззахнинг  "Сўғдиёна" жамоасига қарши майдонга чиқамиз. Бу клубни жуда ҳам ҳурмат қиламан. Жамоа бош мураббийи Улуғбек Бақоев ҳам яхши мутахассис. Мавсумнинг илк ўйини ҳаяжонларга бой қизиқарли ўтади. Ўз майдонимизда бўлиб ўтадиган баҳсда мухлисларимизни хурсанд қилишга ҳаракат қиламиз. 

Таркибда бу йил услубимга мос келадиган футболчиларни қолдирдим. Ўзаги сақланиб қолинди. Янги қўшилган ижрочилардан хурсандман. Фақатгина, уларни ягона мақсад остида бирлаштириш қолди. Ҳозир шунинг устида ишлаяпмиз. Минг кучли таркиб йиғилган тақдирда ҳам, жамоа битта оила бўла олмаса қийин. 

“Сербиялик футболчилардан кўра, ёшларни ўйнатса бўлмайдими?” деган гап сўзларни эшитдим. Жамоани ичида бўлган, ҳолатни ҳис қилган одам гапирса ярашади. Бизнинг олдимизга аниқ мақсад қўйилган. Ёшлар билан бир нечта ўйинда мағлуб бўлсак мухлислар мени нотўғри тушунади. Ҳозирги таркибга албатта ёшлар қўшилади. Бирданига ёшартириб бўлмайди. Масалан, Туркия йиғинида бир нечта ёшларни синовдан ўтказдик. Хавотирга ўрин йўқ, ёшлар жалб қилинади. Уларга эътибор берилади",- дейди Нўъмон Ҳасанов.

Абдулазиз ИСКАНДАРОВ ёзиб олди.