UZ

Сўнгги янгиликлар

00:05Максим Шацких: "Ўйин 80 дақиқа давомида рақиб майдон ярмида кечди. "Ал-Васл" сафида бор-йўғи 2та маҳаллий футболчи бор"  1 23:47Жаҳон чемпионати олдидан ЎФА президенти Абдусалом Азизов Ўзбекистон футзал миллий терма жамоаси билан учрашди  0 23:28Тожикистон термасининг Тошкентдаги машғулотидан ГАЛЕРЕЯ  0 23:00Бундеслиганинг 3-тури старт олмоқда! "Боруссия" Д ўз майдонида дебютантни қабул қилади  0 22:51Виталий Левченко: "1 очкога муносиб эдик"  5 22:22"Навбаҳор" иштирокидаги ўйин санаси ўзгарди  5 22:06Жамшид Саидов: “Мезбонлик мақомидаги ўйинларимиз ҳам сафар учрашуви каби ўтаяпти”  4 21:58Иван Бошкович: “Ҳозирдан "Насаф”ни чемпион дея олмаймиз"   9 21:45Суперлига. "Пахтакор" - "Нефтчи" 0:0  0 21:28Суперлига. Ўзбек "Эл Классико"да "Пахтакор" ва "Нефтчи" ўзаро нурсиз дуранг ўйнади  81 20:55Месси навбатдаги ўйинларда ўйнайдими? Мартино жавоб берди  6 20:32Суперлига. "Қизилқум" - "Сўғдиёна" 1:1  0 20:17Суперлига. "Сўғдиёна" қўшиб берилган дақиқада урган голи эвазига "Қизилқум" майдонидаги мағлубиятдан қутулиб қолди  5 20:12Футзал. ЖЧ 1-тури дисквалификациялари  0 19:50"Манчестер Сити" етакчиси АПЛда август ойининг энг яхши футболчиси деб топилди  0

Хайрулла Холиқовдан эркин фикр: Азамат Абдураимовга бошқа иш ярашади Янгиликлар

Хайрулла Холиқовдан эркин фикр: Азамат Абдураимовга бошқа иш ярашади

Айни пайтда “Андижон” футбол клубини бошқараётган Азамат Абдураимовни озми-кўпми биламан.
Ўзлари билан бир неча бор суҳбатда бўлганман. Яхши биласиз, 2012 йилги мавсумда “Андижон” олий лигадан тушиб кетди. Ўтган йил тўлиқ биринчи лигада қатнашган жамоа “Машъал”дан сўнг иккинчи ўрин билан яна олий лигага қайтди.

“Андижон” олий лигани тарк этганида Абдураимовнинг айтган гаплари ҳамон эсимда. “Ўзимиз биринчи лигага тушиб кетдикми, ўзимиз олиб чиқамиз” – деганди Азамат Эркинович. Тўғриси, бу гапни андижонлик мухлислар оддий қабул қилишди. Чунки жамоанинг бир йиллик танаффусдан сўнг яна элитага қайтишига деярли ҳамма ишонганди. Ва охир-оқибат шундай бўлди ҳам.

Лекин жамоа ўтган йил муҳим баҳсда “Машъал”га ўз майдонида мағлуб бўлганди. Бу сафар ҳам шундай бўлди. Эътиборлиси, ҳар иккала учрашувда ҳам майдон эгалари 80-дақиқадан кейин гол ўтказиб юборишди. Фақат голларни бошқа-бошқа ўйинчилар киритди.

3-тур якунларига кўра олий лигада гол урмаган жамоа биргина “Андижон” бўлиб турибди ва бундан мухлисларнинг кайфияти тушкун ҳолатда. Мана учта ўйиндирки ГОЛдан дарак йўқ. Бундай паллада айб биринчи навбатда бош мураббийга бориб тақалади.

Шахсан мен Азамат Абдураимовни жуда ҳурмат қиламан. У кишининг футбол борасидаги билим ва тасаввурига шубҳа қилмайман. Лекин назаримда Абдураимовга мураббийлик касби билан шуғулланиш ярашмайдигандек туюляпти. Футболда шундай одамлар бор, улар мураббий бўлиб ишламаса ҳам, бошқа соҳаларда ўзларини кўрсата олишади.

Фикримизни Абдураимов мисолида давом эттирадиган бўлсак, у кишидан яхши танқидчи, газета, журнал ёки сайт муҳаррири, чуқур таҳлилчи, жамоа бошлиғи ёки менежери, борингки, кучли спорт директори чиқиши мумкин, аммо МУРАББИЙ эмас. Азамат Эркинович Россиядаги фаолияти мобайнида РФИ (Россия футбол иттифоқи) қошидаги “Отечественний футбол” журналига муҳаррирлик қилди ва ўшанда журнал анча қизиқарли чиққанини биламиз. Ўзим ҳам шу журналнинг 3-4та сонини кўрганман.

Аммо юртимизга қайтгач, аввалига “Қурувчи”да (ҳозирги “Бунёдкор”) спорт директори бўлиб ишлай бошлади. Кейин эса ўзини мураббийликка урди. “Про” лицензиясига ўқиди. Озроқ “Динамо”да ишлади, мана энди “Андижон”ни бошқаряпти. Лекин жамоа қайд этаётган натижалар ўзингизга маълум.

Назаримда, Абдураимовнинг мураббийликдан кўра, ташкилий ишларда қўли енгил. Ўз фикрини равон ифодалай олади, футболни бошқаришни ҳам эплай олса керак, лекин мураббийликни эмас. Чунки мураббий сифатида ишлаш жуда қийин, бунда доим машғулот жараёнининг ичида бўлиш талаб этилади, бироқ Абдураимовга кўпроқ Гари Невилга ўхшаб ТВ орқали футбол баҳсларини шарҳлаб бориш, газета ва сайтда ўйинлардан олдин ва кейин ўз фикрини баён этиш ярашади. Юқорида айтиб ўтганимиздек, ўз вақтида яхши ҳужумчи бўлган Азамат ака футболни жуда яхши билади. Фақат шу билганларини мураббийлик орқали эмас, балки бошқа соҳаларда қўлласа, ўзбек футболига янада кўпроқ фойда келтирган бўлармиди.

Ҳар ҳолда бу менинг шахсий фикрим. Хўш, бу борада Сизнинг қарашларингиз қандай, муҳтарам ўқувчи?


Хайрулла Холиқов.
Рейтинг: -1   

Фикрлар

championat.asia
< сўнгги янгиликларни кўриш
Яндекс.Метрика