UZ

Сўнгги янгиликлар

02:00ЖЧ саралаши. Италия Исроил дарвозасига 5та гол урди, Швеция кутилмаганда мағлубиятга учради  4 00:42CAFA Nations Cup-2025. Энг яхшилар аниқланди ва ғолибга соврин топширилди  23 00:30Муҳаммадрасул Абдумажидов Бельгия клубига ўтмайди  2 00:14Славен Билич Ўзбекистон терма жамоаси бош мураббийига айланиши мумкин  35 00:05Тимур Кападзе: "Эрон терма жамоаси қачон рози бўлган ўзи?"  102 23:00Қозоғистон Президенти Тоқаев: "Футбол клубларини хусусийлаштириш бўйича ишларни тезлаштириш керак. Бусиз футбол ривожланмайди"  4 21:50"CAFA Nations Cup-2025". Ўзбекистон терма жамоаси 13 йилдан сўнг Эронни ютди ва турнир ғолибига айланди  1027 20:32Шавкат Мирзиёев Жанни Инфантинога “Дўстлик” орденини топширди  17 20:26Португалиялик мураббий Озарбайжон терма жамоаси бош мураббийлигидан кетди  11 19:52CAFA Nations Cup турнирида сенсация! Ҳиндистон пенальтилар сериясига кўра Ўмондан устун келиб, 3-ўринни қўлга киритди!  16 19:13Гвардиола Абдуқодир Хусанов учун янги режа ишлаб чиқди  11 18:32ЎФА раҳбарияти Ўзбекистон МТЖга таклиф этишни хоҳламаган мураббий "Байер"ни бошқаради  11 18:04Амирҳуссайн Ҳуссайнзода: "Ҳакамлар Ўзбекистон фойдасига қарор қабул қилмоқда"  21 17:42Ахбор Имомхўжаев хотира турнири-2025. Мусобақа, жамоалар, гуруҳлар ва яшил майдонга қайтаётган юлдузлар  5 17:30Омид Нурафкан: "Ўзбекистонни икки-уч гол фарқи билан мағлуб эта оламиз"  10

Водий дербиси ҳамда ЎзПФЛ режаси ҳақида Янгиликлар

Водий дербиси ҳамда ЎзПФЛ режаси ҳақида

Фарғонадаги ҳал қилувчи ўйинга ЎзПФЛнинг бир қатор ходимлари ташриф буюрди.

"Биринчидан, учрашув аҳамияти юқори эди. Биз бундай ўйинларни ўтказиб юборишга одатланмаганмиз. Иккинчидан, Нефтчи ҳамда Турон клубларининг режалари масаласида вилоят ҳокими Хайрулла Бозоров билан фикр алмашишимиз керак эди.

ЎзПФЛ ишчи гуруҳи 30 ноябрь куни тунда Фарғонага етиб борди. Биринчи бўлиб, Само спорт мажмуасида бўлдик. Вилоятда шундай чиройли объект қуриб битказилганидан қувондик. Агар зал тўшамасини замонавий кўринишга келтирса, бу ерда бемалол халқаро мусобақалар ўтказиш имконияти мавжуд. Спорт вазирлигига қарашли бу аренада футзал бўйича мусобақалар ўтказиш, уларни жонли эфирга олиб чиқиш ва бу орқали Фарғонада футзални жонлантиришга эришиш мумкин. Биз эса ҳозирча Тошкент, Олмалиқ ва Жиззах билангина чекланяпмиз. 2021 йилдан бошлаб бу рўйхатга Фарғона, Самарқанд ҳамда Хоразмни қўшиш режамизда бор. 

Шу куннинг ўзида Истиқлол стадионига келдик ҳамда ёритгичларни ўлчадик. Истиқлол стадионида ёритиш тизими ўртача 1000 люксни ташкил қиляпти. Бироқ Нефтчи ўз олдига юқори мақсадларни қўйса, ОФК кубоги учун 1400, ОЧЛ учун 1800, миллий терма жамоа таснифи учун 2000 люкс талаб этилади. 

1 декабрь куни тушгача вилоят ҳокими Хайрулла Бозоров қабулида бўлдик. Бунда қуйидаги масалалар юзасидан фикр алмашдик:

▪️ Нефтчи ФК учун академия шакллантириш;

▪️ Истиқлол стадиони прожекторларини янада яхшилаш;

▪️ Истиқлол стадиони газонини камида Навбаҳорники каби кўринишга келтириш;

▪️ Яйпанда Турон ФК учун база қуриш масаласи;

▪️ Яйпанда Турон ФК учун академия қуриш масаласи;

▪️ Само мажмуаси зал қопламасини замонавий кўринишга келтириш масаласи.


Хайрулла Бозоров футболни яхши кўрадиган инсон. Насиб бўлса, юқоридаги масалалар босқичма-босқич ҳал этилади. 

Учрашувдан кейин вилоят ҳокими Истиқлол стадионига келиб, учрашувни бошидан то охирига қадар томоша қилди. Ҳакамлар қарорларини Футбол-ТВ каналидаги такрорий лавҳалар орқали бирга муҳокама қилдик. Тақдирлаш маросимида бирга иштирок этдик. Ҳоким аввал Нефтчи футболчилари билан учрашди, кейин ҳакамлар хонасига кириб, уларга ўйин учун миннатдорчилик билдирди ҳамда айбдорлар албатта ўз жазосини олишига ваъда берди. Вилоят раҳбарларининг ўзи стадионида бўлгани учун ҳам тартибсизлик 5 дақиқага қолмай бартараф этилди, биз буни ўз кўзимиз билан кўрдик.  

Мана энди Фарғонага нима учун 8 киши боргани сизга маълум. Бунда кимдир футзалга, кимдир прожекторга, кимдир футбол академиясига, кимдир стадион газонига жавоб бериши кўзда тутилганди. Шунингдек, ЎзПФЛ ҳакамлар учун жавобгар шахсни ЎФАдан сўраб олгани ҳам тўғри қарор бўлдики, зеро у тиббий ёрдам масаласида ҳам, сўроқ вақтида ҳам улар билан бирга бўлди. 2 декабрь куни барчамиз Тошкентга қайтдик.

Биз ҳозирданоқ 2022 йилги мавсум учун тайёргарлик кўряпмиз. Вақти келиб бунинг самарасини албатта кўрамиз", - деб ёзади Диёр Имомхўжаев ўз телеграм саҳифасида.

Рейтинг: +7   

Фикрлар

championat.asia
< сўнгги янгиликларни кўриш
Яндекс.Метрика