Владимир Ежуров: "10 киши бўлиб ўйнаш осон эмас"
14 сен 2022 23:22
Янгиликлар

Владимир Ежуров: "10 киши бўлиб ўйнаш осон эмас"

Coca Cola Суперлиганинг 19-тури доирасида "Сўғдиёна"га қарши ўйиндан кейин "Нефтчи" бош мураббийи Владимир Ежуров ўз фикрларини билдириб ўтди.

- Ўйин қийин бўлишини билардик. Рақибни тўлиқ ўрганиб чиққандик. Ҳақиқатдан ҳам оғир ўйин бўлди. "Сўғдиёна"да футбол иштиёқи жуда кучли. Улар қаттиқ ўйнашади ва кичик хатодан ҳам рақибни жазолай олади. Уларда сифат кучли. Шу сабабли яккакурашларда мағлуб бўлмасликни истагандик. Менимча бу ҳолатлар бўйича анчагина ўзимизга келиб олганмиз. Жамоа бунга жиддий интилмоқда. Баҳснинг сўнгида бироз эътиборни йўқотдик, яхшики, зарбани блоклай олдик.

Биринчи бўлимда жамоа эътиборни кўпроқ ҳимояга берди. Иккинчи бўлимда эса ўйин ёнди, вазиятлар кўп бўлди. "Сўғдиёна"ни ҳам тўғри тушунаман, 10 киши бўлиб ўйнаш осон эмас. Йигитларга бот-бот уларнинг бир киши кам бўлиб турганини эслатиб ҳам турдик. Икки жамоа ҳам яхши вазиятлар яратиб, ура олмаганини инобатга олсак, дуранг адолатли натижа бўлади.

Ҳавола :

Манба : championat.asia

Янгиликларни Телеграмда ўқинг!

Рейтинг: +5