Винисиус: "Вазият ўзгармаса, ЖЧ-2030ни Испаниядан олиб қўйиш керак"

"2030 йилгача бизда вазиятни ўзгартириш учун жуда кўп вақт бор. Умид қиламанки, Испания ривожлана олади ва инсонни терисининг рангига қараб ҳақорат қилиш қанчалик жиддий масала эканлигини тушуниб етади. Ўйлашимча, агар вазият 2030 йилгача ўзгармаса Жаҳон чемпионатини ўтказиш жойини ўзгартириш керак. Ўйинчилар ирқчиликдан азият чекиши мумкин бўлган мамлакатда ўзларини қулай ва хавфсиз ҳис қилмайдилар.

Вазиятни ўзгартириш учун қўлимдан келганича ҳаракат қилмоқчиман, чунки Испанияда кўпчилик ирқчи эмас. Охир-оқибатда яшаш жуда ёқимли бўлган мамлакат имиджига таъсир кўрсатадиган кичик гуруҳ мавжуд.

Мен "Реал"да ўйнашни яхши кўраман. Мен Испанияни яхши кўраман, бу ерда мен ва оилам учун энг яхши шароитлар бор. Умид қиламизки, вазият яхшиланиши мумкин - у аллақачон яхшиланган, аммо янада яхшиланиши мумкин ва 2030 йилга келиб ирқчилик ҳолатлари камаяди", - деди Бразилия терма жамоаси аъзоси Винисиус.

Эслатиб ўтамиз, ЖЧ-2030 Испания, Португалия ва Марокашда ўтказилади. Шунингдек, Уругвай, Аргентина ҳамда Парагвайда ҳам биттадан ўйин ўтказилади.