"Вердер" "Ювентус" ҳимоячисини ижарага олмоқчи

Сўнгги вақтларда "Вердер" нинг ўйини унчалик қовушаётгани йўқ. "Машшқолар"нинг охирги уч баҳсда 14 та! тўп ўтказиб юборганликлари ҳам "Вердер"да ишлар унчалик яхши кетмаётганидан далолат бериб турибди. Шу сабабдан жамоа спорт директори Томас Айхин таркибни кучайтириш борасида бош қотирмоқда. Бременликлар ҳимоя чизиғини кучайтиришни ўйлашаётган кўринади.

- Мен эртага Туринга учаман ва у ерда "Ювентус" билан музокаралар олиб бораман, - деб Туринга боришини тасдиқлади Айхин.

Тахминларга қараганда, "Вердер" - "Ювентус" дан ҳимоячи ижарага олиш ниятида. Аммо Айхин қандай позицияда ҳаракатланадиган ўйинчи  олиб келиши ҳали маълум эмас. Лекин юзага келган вазиятга эътибор берсак, чиндан ҳам ҳимоячи олиб келинишини тахмин қилиш мумкин.