UZ

Сўнгги янгиликлар

10:38Марк-Андре тер Штеген фаолиятини АПЛда давом эттириши мумкин  2 10:11Италия термасини бошқаришга асосий номзод маълум  0 09:45Клоппнинг икки нафар собиқ ёрдамчилари “Манчестер Сити“ билан шартнома имзолади  1 09:18He we go! “Ливерпуль“ ёзнинг энг катта трансферини ҳал қилди  2 08:51Клаудио Раньери қарорини маълум қилди  2 08:23Суперлига. 12-тур ҳакамлари маълум  0 07:55Расман: Жоб Беллингем — “Боруссия Д“ футболчиси  1 07:20Юртбошимиз ташриф буюрган, Ўзбекистон МТЖ йирик ҳисобда ғалаба қозонган ва мухлислар маза қилган учрашувдан СУПEРГАЛEРEЯ  5 06:50Ўртоқлик учрашуви. Англия тарихда илк бор Африка терма жамоасига мағлуб бўлди  3 06:00Шавкат Мирзиёев футболчиларга BYD совға қилди  4 02:29Расман: "Манчестер Сити" навбатдаги трансферни эълон қилди  3 02:20ЖЧ-2026 саралаши. Фаластин Ўмонга қарши охирги дақиқада пенальтидан гол ўтказиб, Жаҳон чемпионати саралашини омадсиз якунлади  4 01:29ЖЧ-2026 саралаши. Австралия Саудия Арабистонини мағлубиятга учратиб, Жаҳон чемпионатига йўл олди!  9 01:01ЖЧ саралаши. Ўзбекистон ўрин олган гуруҳнинг якуний ҳолати қандай?  22 00:17ЖЧ-2026 саралаши. Эрон Шимолий Кореяни йирик ҳисобда енгиб, гуруҳни пешқадам сифатида якунлади  19

Учта ўйинда -11та гол. Ҳаммаси тасодифми? Янгиликлар

Учта ўйинда -11та гол. Ҳаммаси тасодифми?

Негадир Суперлигада "Металлург" ва "Пахтакор"нинг ўзаро ўйинлари энг зерикарли баҳс бўлиб қолмоқда.

Масалан, кеча Бекободдаги учрашув ҳам унчалик қизиқ кечмади. Кўриб одамнинг уйқуси келади. Асосан бир жамоа ўйнади: "Пахтакор". "Металлург" эса иштиёқсиз, гўёки мағлубиятга тайёрдек ҳаракат қилди.

Бу жамоалар ўртасидаги аввалги иккита баҳс ҳам фақат бир жамоанинг устунлигида ўтганди. Биринчи босқичнинг биринчи даврасида "Пахтакор" Бекободдан 5:0 ҳисобидаги ғалаба билан қайтган. Ўз майдонида эса 3:0 ҳисобида ғалаба қозонган. Кеча ҳам меҳмонлар 3:0 ҳисобида зафар қучишди. Хуллас учта ўйинда "Металлург" бирорта ҳам тўп кирита олмай, ўз дарвозасидан 11та гол ўтказиб юборди. 

Суперлига зўр ўтяпти деймиз-у, лекин мана шундай ўйинлар чемпионат савиясига соя солади. "Металлург" бошқа жамоалар келганда бор кучини ташлайди. Бу жамоа биринчи босқичда ўз майдонида "Локомотив"ни 2:0 ҳисобида ютганди, "Насаф", "Бунёдкор", "Навбаҳор" клублари билан дуранг ўйнади, "Бухоро"ни ҳам ютган, аммо нима учундир "Пахтакор" борса "жангсиз" таслим бўлади. 

Иккинчи босқич бошлангач, "Металлург" "Локо"га қарши биринчи баҳсда тиш-тирноғи билан курашди. Лекин барибир маҳорат ўз сўзини айтиб, "Локо" кичик ҳисобда ютиб кетди. Кейинги тур "Навбаҳор" майдонига борган "Металлург" яна бор кучини ташлаб 0:0 ҳисобини сақлаб қолди. Аммо уйида "Пахтакор"га қарши овоз чиқармай жимгина ўйнади. 

"Металлург"нинг мақсади бир амаллаб кучли олтиликка кириб олиш эди. Жамоа буни уддалади ҳам. Ўз майдонида "Қизилқум"ни 2:1 ҳисобида мағлуб этганидан сўнг сафарда АГМКга қарши баҳс кутиб турарди. Буёқда "Қўқон-1912" ҳам юқори олтиликка ҳаракат қилаётганди. Аммо қўқонликлар сафарда "Нефтчи"га ютқазиб қўйишди. "Металлург" эса Олмалиқда АГМКни 3:2 ҳисобида енгишнинг уддасидан чиқди. Лекин негадир бу ўйин ТВ орқали намойиш этилмади. 

"Металлург" ғалати жамоа. Ҳамма билан тенгма-тенг ўйнашга ҳаракат қилади. Аммо "Пахтакор" дуч келганда "жим" бўлиб қолади. "Металлург" ўз майдонида шу пайтгача 4 марта мағлуб бўлган. Иккита ғалаба "Пахтакор"га тегишли ва тўплар нисбати 8-0. Бу тасодифми? АГМК билан "Локомотив" эса зўрға 1:0 ҳисобида ютиб кетган. "Металлург" "Пахтакор"дан ижарага футболчилар (Андреев, Исматуллаев, Ўринбоев, Нуруллоев, Отахонов) олганини ва бу футболчилар "Пахтакор"га қарши ўйнамаслигини ҳам биламиз. 

Майли, ижара шартлари ҳар икки томоннинг ўзаро келишувига боғлиқ дейлик. Хўп, шунча футболчининг майдонга тушмаслиги бошқалар учун имконият бериши керак эмасми? Лекин "Металлург" ақлли. Жон койитиб бошқа футболчиларни "Пахтакор"га қарши жиддий тайёрлашга ҳаракат қилмайди. Қайтанга "муҳим" ўйин олдидан Зафар Тўраев билан Зоҳид Абдуллаев тўртинчи сариқ карточка олишни маъқул кўришади. Чунки улар учун ундан кейинги тур муҳим. "Металлург" навбатдаги турни ўз майдонида "Бунёдкор"га қарши ўтказади. Андрей Шипилов  "Бунёдкор"ни енгиш учун бор кучни ишга солади. Ахир кимдир йўлни "тозалаб" туриши керак-ку.

Муаллиф : Xayrulla Xoliqov
Рейтинг: +66   

Фикрлар

championat.asia
< сўнгги янгиликларни кўриш
Яндекс.Метрика