Тўртта гол урилган Тошкентдаги ўйиндан 11 факт
21 ноя 2021 11:19
Янгиликлар

Тўртта гол урилган Тошкентдаги ўйиндан 11 факт

"Сурхон" Суперлиганинг 25-турида "Бунёдкор"га имкониятни бой бериб қўйди.

Бунёдкор

Авазбек Ўлмасалиев - 25', Авазбек Ўлмасалиев - 42', Хуршид Ғиёсов - 68'

Суперлига. 25-тур

20/11/2021, 16:15

Тугади

Сурхон

Мурод Бобожонов - 34'

45'

90'

Матч-центрда очиш

Мазкур баҳсга оид қизиқарли маълумотларни жамладик.

1. Вадим Агишев "Сурхон"нинг қаторасига 2-ўйинида ишлади. Термиз клуби "Насаф" ва "Бунёдкор" билан учрашувларда фақат 1 очко олишни уддалади.

2. "Бунёдкор" бу йил Агишев бошқараётган ўйинларда ютқазмади (2 ғалаба, 1 дуранг).

3. 21 ёшли Авазбек Ўлмасалиев Суперлигадаги илк дублини расмийлаштирди.

4. Энг қизиғи, бу жамоаларнинг 1-даврадаги ўйинида "қалдирғочлар"дан Фарруҳ Икромов ва Иброҳим Томива ҳам Ўзбекистон чемпионатларидаги 1-дублларига эришишган эди.

5. Термизликлар форварди Муродбек Бобожонов Суперлигадаги 4-голини урди. Бунақаси сўнгги бор 2017 йилда содир бўлганди.

6. "Бунёдкор" футболчилари бу йил энг кўп "Сурхон" дарвозасини ишғол қилишди (2 ўйинда 8 гол).

7. "Сурхон" "Бунёдкор" майдонида ҳеч қачон очко ола билмаган.

8. Ушбу жамоалар ўзаро ўйинларда ҳанузгача дуранг ўйнашгани йўқ.

9. "Сурхон"нинг мудофаа чизиғи бу йил Суперлигада энг заиф ҳисобланади. Жамоа 25 ўйинда 43 та гол ўтказиб юборди.

10. Шуҳрат Мақсудов шогирдлари бу йил "Бунёдкор"да умуман ютқазгани йўқ. Жамоанинг ўз майдонидаги сўнгги мағлубияти ўтган йилнинг 29 ноябрида "Насаф"дан қабул қилинган эди.

11. "Сурхон" айни пайтда мусобақа жадвалида 10-бўлиб турган эса ҳам, элитадаги ўрнини кафолатлагани йўқ. Барчаси сўнгги турда Термизда ўтадиган "Машъал" билан ўйинда ҳал бўлади.

фото: "Бунёдкор" матбуот хизмати

"Пахтакор"нинг йирик ғалабаси қайд этилган пойтахт дербисидан 11 факт