Темур Турдиев: "Жамоани кучайтирмасак қийин бўлади"

"Яхши ўйин бўлди. Фақат сўнгги дақиқаларда футболчиларга бироз консентрация етишмади. Иккинчи ўйиндирки шундай ҳолат кузатилмоқда. Йигитлар олдинда курашларда ишончли ҳаракат қилишяпти. Лекин ортга қайтишга улгура олмаяпмиз. Ўйин тенгкурашлар остида ўтди. Биринчи бўлимда вазиятлардан фойдалана олмадик. Иккинчи бўлимда рақиб ўзи яратган вазиятларни голга айлантира олди",-  дейди Темур Турдиев.

- Бугун аввалги ўйинларга қараганда ротатциялар кўрдик...

- Таркибдаги ўзгаришларга келсак, биринчи бўлимда рақибни тўпсиз ўйнатиб чарчатиб, иккинчи бўлимда янги кучларни туширмоқчи эдик. Режамиз қисман иш берди. Ўйлаганларимиз амалга ошди. Сўнгги дақиқаларда диққат етишмади. 

 - Нима деб ўйлайсиз, биринчи гол йигитларни орқа чизиқда ҳаракат қилишига олиб келдими? 1:1 бўлаётган вазиятда фейр-плей бўлиши керак эди...

- Улар ҳужумни давом эттиришди. Футболчимиз бошини ушлаб турган вазиятда ўйинни тўхтатилади. Бош инсоннинг муҳим аъзоси. Ҳакамлар қўмитаси бор. Кўриб чиқишади. Футболчининг фейр-плейга амал қилиши ёки қилмаслиги ўзига боғлиқ?

- Иккинчи даврада таркиб кучайтириладими?

- Трансферларга июль ойида тўхталишимиз мумкин. Ҳозирги вазиятда руҳсат йўқ. Жамоани кучайтирмасак қийин бўлади.

Жавлон Пиримбетов кўп вақт захирада қолгани боис унга имконият бердик. Марказда рақиб футболчиларини чарчатиши керак эди. Расул Мусаев юз фоиз тайёр эмас. Навбатдаги баҳсга қадар муносиб тайёрланамиз. Мухлисларимиз қўллаб-қувватлашда давом этишмоқда. Уларга раҳмат айтаман.