Суперлига. Тур дарвозабони - Суҳроб Султонов

Аввалроқ тур рамзий терма жамоасини эълон қилган эдик. Энди эса кетма-кетликда тур лауреатларини бериб борамиз.

Суперлига. 9-тур рамзий терма жамоаси

Ортда қолган 9-турнинг энг яхши дарвозабони деб АГМК аъзоси Суҳроб Султоновни топдик. Олмалиқликлар Тошкентда "Пахтакор" меҳмони бўлишди. Беллашув давомида кипер 6та сейвни ижро этди, шулардан учтаси жамоасини муқаррар голлардан қутқариб қолди. Агар у бўлмаганда АГМК мағлубиятга учраши ҳам мумкин эди. Айниқса, Суҳробнинг 90+1-дақиқадаги сейви таҳсинга сазовор. Чераннинг бош билан зарба берганда тўп дарвоза тўридан жой оладигандек кўринганди. Аммо, бақувват кипер бунга йўл қўймади. Бу сейв ЖЧ-2006 финалининг биринчи экстра тайми тугаб бораётганда Зиданнинг бош билан берган зарбасидан кейин афсонавий Буффон ижро этган супер сейвни ёдга солиб юборди.

Шу тариқа, бу турда чиройли сейвлари билан жамоасини бир нечта голлардан қутқариб қолган Суҳроб Султонов 9-турнинг энг яхши дарвозабони деб топилди.

Ўзбекистон чемпионати турнир жадвали >>>>> СУПЕРЛИГА