Суперлига. 16-тур лауреатлари

Championat.asia тур баҳслари асосида тур лауреатларини аниқлади.

"Навбаҳор" клуби бу тур сафарда "Насаф"га қарши ўйнади ва муҳим ғалабага эришди. Наманган клуби ОФК кубогида юришини давом эттираётган клубни таслим эта олди. Шу боис Виктор Жалилов championat.asia сайти талқинига кўра 16-турнинг энг яхши мураббийи деб топилди. 

"Навбаҳор" бу тур Қаршида "Насаф"ни кичик ҳисобда мағлуб этди - 1:0. Ушбу баҳсда меҳмонлар посбони Ўткир Юсупов жуда яхши ўйнади. У беллашув давомида жамоасини бир неча бор муқаррар голлардан сақлаб қолди. Шу боис Championat.asia сайти талқинига кўра, 16-турнинг энг яхши дарвозабони Ўткир Юсупов бўлди.  

Бу турда "Турон" клуби ярим ҳимоячиси Билолхон Тошмирзаев "Локомотив" дарвозасига майдон марказидан гол урди ва тур голи муаллифига айланди. 

"Локомотив" бу тур ўз майдонида "Турон"ни 3:1 ҳисобида мағлуб этди. Шу куни "темирйўлчилар" сафида Темурхўжа Абдухолиқов жуда фаол ўйнади. Биринчи таймда пенальтидан гол урган ҳужумчи, иккинчи таймда ўйиндан ҳам гол урди. Шу тариқа, Темурхўжа Абдухолиқов championat.asia талқинига кўра 16-турнинг энг яхши футболчиси деб топилди.

Ўзбекистон чемпионати турнир жадвали >>>>> Суперлига