Жорий мавсумда Улуғбек Бақоев мураббийлигидаги "Сўғдиёна" Ўзбекистон Суперлигасида кумуш медалларига эга чиқди. Якунда унинг жамоаси ОЧЛ йўлланмасини қўлга киритди. Бақоев аллақачон хориж клублари, жумладан, Қозоғистон жамоаларининг ҳам эътиборини тортган. Мураббий ўз келажаги ҳақида ўйлашни бошлаган.
Жиззахликлар устози Қозоғистонда "Тобол", "Жетису", "Иртиш" клубларида футболчи сифатида тўп тепган. "Тобол" сафида 2010 йилда Қозоғистон чемпиони бўлган. Шунингдек мамлакат кубоги ва "Интертото" кубогин қўлга киритган.
