Сирожиддин Қўзиев "Металлург" билан шартнома имзолади!
24 дек 2023 07:47
Янгиликлар

Сирожиддин Қўзиев "Металлург" билан шартнома имзолади!

тган йилги мавсумни легионер сифатида Малайзияда ўтказган Сирожиддин Қўзиев яна Суперлигага қайтди

Бу сафар у Тошкент вилоятининг "Металлург" жамоасида ўйнашни ихтиёр этди.

Қашқадарё футболи тарбияланувчиси 19 ёшидаёқ вилоят бош жамоаси "Насаф"га жалб этилди. Дебютини 2016 йили амалга оширди. Қарши жамоаси шарафини уч йил ҳимоя этгач, "Машъал"га ўтди. 2022 йили эса "Нефтчи" сафида тўп сурди. Ўтган мавсумда Фарғонадан Малайзияга - "Кучинг" жамоасига легионер сифатида йўл олди.

Бугунгача 80 та ўйинда майдонга тушган Сирожиддин рақиблар дарвозасига 11 та гол киритган, 8 марта огоҳлантирилган. Ўзбекистон ҳамда Малайзия вице чемпиони, Ўзбекистон кубоги ва Суперкубоги соҳиби.

Сирожиддин Қўзиев – 27 ёшда, 1996 йилнинг 1 сентябрь санасида туғилган.

Туғилган жойи – Қашқадарё вилояти

Бўйи – 180 см

Вазни – 73 кг

Амплуаси - ярим ҳимоячи

Ҳавола :

Янгиликларни Телеграмда ўқинг!

Рейтинг: +2