Шимолий Корея ФИФА томонидан жаримага тортилди
02 апр 22:12
Янгиликлар
Халқаро футбол федерацияси (ФИФА) Тартиб-интизом қўмитаси Пхеньянда бўлиб ўтиши керак бўлган Шимолий Корея — Япония ўртасидаги учрашув бекор қилинигани муносабати билан меҳмонлар фойдасига техник ғалаба ёзилишини маълум қилди. Бу ҳақда аввалроқ хабар бергандик.
Шунингдек, ташкилот расмий сайти орқали жазо тафсилотларини эълон қилди. Унга кўра, Шимолий Корея футбол ассоциацияси 10 минг Швейцария франки (тахминан 11 минг АҚШ доллари) миқдорида жаримага тортилди.
Эслатиб ўтамиз, жаҳон чемпионати саралаши 2-босқичи 4-туридан ўрин олган учрашуви 26 март санасида ўтказилиши керак эди.
Ўйин ўтказиш учун Шимолий Корея майдон топа олмади. Нейтрал майдонда ўтказиш борасидаги уринишлар самарасиз якунланди. Муқобил бирорта мамлакат бунга розилик бермаган. Натижада, Японияга уч очко тақдим этилди ва 12 очкога эга бўлган "самурайлар" кейинги босқич масаласини муддатидан илгари ҳал қилишди.
Ўхшаш янгиликлар
championat.asia
Суперлига. "Сўғдиёна" "Насаф"ни мағлуб этди, жиззахликлар ўйинни 9 киши бўлиб якунлашди
Суперлига. "Пахтакор" ва "Навбаҳор" ўртасидаги марказий ўйинда кучлар тенг келди
Месси терма жамоадаги голлар сони бўйича 2-ўринга чиқиб олди
Суперлига. Тўртта қизил, иккита пенальти белгиланган учрашувда «Андижон» сўнгги дақиқаларда мағлубиятдан қутулиб қолди. Андижонликлар ҳакамнинг қарорларига норозилик билдириб маълум вақт майдонга тушишни исташмади!
Фикрлар