“Севинч”дан рекорд!
11 ноя 2016 20:59
Янгиликлар

“Севинч”дан рекорд!

Теглар : Севинч

Бу йилги чемпионатда муддатидан аввал чемпионликни расмийлаштирган “Севинч” жамоаси бугун чемпионатнинг сўнгги учрашувини ўтказди.

Бугун жамоа Андижонда “Андижанка” жамоаси меҳмони бўлди ва кичик 1:0 ҳисобида ғалабани қўлга киритди. Ушбу учрашувдаги ягона голни жамоа сардори ва тўпурари Зебо Жўраева киритди.

Бундан аввал яъни 9 ноябрь куни Фарғонада “Нефтчи W” жамоаси билан ҳам учрашув бўлиб ўтган эди. Бу учрашувда футболчилар “Нефтчи W” жамоаси дарвозасига жавобсиз еттита гол уриб, йирик ҳисобдаги ғалабасини нишонлашган эди.

Шундай қилиб, “Севинч” жамоаси бу йилги чемпионатда жами 20та учрашув ўтказиб, барчасида ғалаба қозонди. Бу билан “Севинч” жорий чемпионатда рекорд ўрнатди!

Ҳавола :

Манба : pfcsevinch.uz

Янгиликларни Телеграмда ўқинг!

Рейтинг: +6