UZ

Сўнгги янгиликлар

01:01Де Брюйненинг агентлари футболчининг хизматларини "Реал"га таклиф қилди  0 00:43Анчелотти Бразилия термасида Кака билан ишламоқчи  0 00:25Камолиддин Тожиев: "Пахтакор" ҳамма фронтда олий мақсад қўяди. Кўп гол ўтказаётганимиз мени безовта қилмоқда"  3 00:11"Пахтакор"нинг бразилиялик легионери ярим йилга сафдан чиқди  1 23:52Рўзиқул Бердиев: “У биз учун қиммат футболчи эмас, арзон футболчи“  9 23:20U21 биринчилиги. Водий дербисида дуранг, "Динамо"га техник мағлубият ёзилди ва бошқа натижалар (ЖАДВАЛ)  0 22:47“Динамо“га қарши учрашувдан сўнг мезбонлар устози қисқа фикр билдирди  7 22:28"Навоий ФА" бош мураббийи Даврон Турсунов: "ОКМКнинг энг зўр спорт формадаги пайтига тўғри келиб қолдик"   3 22:09Марат Мифтахутдинов: “Абрамов касал бўлиб қолгани сабабли Андижонга кела олмади“  1 21:38Миржалол Қосимов: "Охирги тур олдидан ҳеч нарса маълум эмас эди. Шу сабабли деярли асосий таркибни майдонга туширдик"  6 21:24Амалдаги чемпион ва кубок соҳиби Ўзбекистон кубоги гуруҳ босқичида қолиб кетди  47 21:02Ўзбекистон Кубоги. "Насаф" "Пахтакор"га мағлуб бўлиб, гуруҳда қолиб кетди. "Лочин" бу сафар "Сурхон"ни мағлуб этиб, кейинги босқичга йўл олди  191 19:57"Рома" асосий футболчиси билан шартномани узайтиришга уриниб кўради  2 19:33​Санчодан уятли кўрсаткич  0 19:10Расман: Максим Шацких – "Андижон" бош мураббийи, Виталий Шпанюк – ёрдамчи мураббий  33

"Сайфиевнамо" ўйин, қизиқ статистика, баҳсли пенальтилар ёхуд "Пахтакор" мавсумдаги илк ғалабасини тантана қилди (Бекзод Толибов блоги) Янгиликлар

"Сайфиевнамо" ўйин, қизиқ статистика, баҳсли пенальтилар ёхуд "Пахтакор" мавсумдаги илк ғалабасини тантана қилди (Бекзод Толибов блоги)

2020 йилги мавсум ёдингиздами? Илк турдаёқ Тошкентда "Пахтакор" ва "Навбаҳор" тўқнаш келганди.

Ўшанда ўйин ва унинг атрофидаги воқеликлар бир ойдан кўпроқ муддат кескин муҳокамаларга сабаб бўлган, ижтимоий тармоқлар бу ҳақда катта резонанс берганди. Орадан йиллар ўтди, шундан буён қанчадан қанча сувлар оқиб кетди ва барчаси тарихга айланди. Бугунги "Пахтакор" ва ҳозирги "Навбаҳор" ўртасида азалий принципиаллик бор бўлса-да, эндиликда ўйин давомида нима юз берган бўлса ҳам, барчаси ўша майдоннинг ўзида қоладиган босқичга етиб келди. 

Ютқазган ҳеч қандай эътирозларсиз мард бўлиб майдонни тарк этяпти. Бу – профессионаллик. Алоҳида кузатув олиб бордим, ижтимоий тармоқларда кичик гап-сўзлардан ташқари эътиборга молик бирор норозилик кайфияти кўринмаяпти.

Барчасини Сайфиев ҳал қилган бўлса, демак “Сайфиевнамо" ўйин бўлади. Фарруҳ учрашувнинг 2-дақиқасидаёқ қанотдан узатиб берилган тўпни аниқ зарба билан Ўткир Юсупов қўриқлаётган дарвозага жойлаб қўйди. Одатда бу каби даражаси юқори ўйинларнинг илк дақиқаларида аксарият футболчилар бунақа имкониятлардан унумли фойдалана олишмайди. Чунки принципиаллик катта саҳнага чиққан вақтда ўйингача бўлган муҳит майдондаги ўйинга мослашиб олгунга қадар кўпчиликни довдиратиб қўяди. Бироқ Сайфиев бу вазиятда ўта совуққонлик билан ҳаракат қилиб, юзага келган имкониятни аниқ зарба билан голга айлантирди - 1:0. 

Биринчи бўлимнинг 23-дақиқасида Темурхўжа Абдухолиқов пенальтидан ҳисобни тенглаштирди – 1:1. 

Учрашувнинг 68-дақиқасида яна ўша Фарруҳ Сайфиевнинг узатмасидан сўнг Драган Черан мавсумдаги илк голини урди – 2:1. 

90+4 дақиқада "Навбаҳор"нинг сербиялик легионери Йован Жокич жамоасига навбатдаги очкони тақдим этиши мумкин эди, бироқ унинг пенальтидан йўллаган зарбасини "Пахтакор" посбони қайтаришнинг уддасидан чиқди. Якуний ҳисоб – 2:1, "Пахтакор" мавсумдаги илк ғалабасини айнан азалий рақибига қарши ўйинда қўлга киритди. 

Даврон Ҳошимов майдонда максимал борини бериб ўйнайди. Одатда у бу борада ўзини ҳам, рақибини ҳам аяб ўтирмайди, шу боис сариқ ва қизил карточкалар доим бу футболчининг ортидан эргашиб юради. Балки бошқа футболчи четлатилганида, алоҳида эътиборга молик вазият бўлиши мумкин эди. Бироқ Ҳошимов табиатан шунақа футболчи, ўйин ҳароратига қолган барча жараённи унутган холда жиддий киришиб кетади. Бутун вужуди, бор диққат-эътибори фақат ва фақат майдонда бўлади.

Пенальтилар борасидаги фикрлар ҳар кимда ҳар хил ва турлича янграяпти. Кимдир бор дейди, кимдир йўқ деяпти, бунақанги баҳс-мунозаралар футболнинг ажралмас қисми. Балки ракурслар алдаётгандир, аммо ҳар икки холатда ҳам бир қарашда 100 фоизлик пенальти бор эди деб айтиш қийин. Обдон синчиклаб, стоп-кадрларни қайта-қайта кўриб чиққанингиздан кейингина 11 метрлик жарима зарбаларига сабаб бўлган асосларни топасиз. 

P.S. Мухлисларнинг Азмиддиновга нисбатан амалга оширган ҳаракатларини ҳеч қачон оқлаб бўлмайди. Шунингдек, футболчининг уларга жавоби ҳам мутлақо нотўғри. Гўё бу ўйинда барибир нимадир юз бериши керак эди, худди шу воқелик негизида содир бўлди.

Қизиқ статистика, кечаги "Олимпик" – ОКМК учрашуви давомида дарвоза томон бор-йўғи 2 та аниқ зарба берилибди.


Бекзод Толибов

Рейтинг: +10   

Фикрлар

championat.asia
< сўнгги янгиликларни кўриш
Яндекс.Метрика