"Навоий ФА" бош мураббийи Даврон Турсунов: "ОКМКнинг энг зўр спорт формадаги пайтига тўғри келиб қолдик"

– Ўйин ҳақида 

– ОКМК Суперлигада ажойиб ўйинлар ўтказяпти. Биз бу жамоанинг энг зўр формада пайтига тўғри келиб қолдик. Мен ўйлайманки, йигитларимиз учун бу мусобақа катта мотивация берди. Бу гуруҳга тушганимизни ўзи байрам бўлди. Ўйинда кўрдик, рақиб биздан анча устун. Ўз устимизда ишлашимиз лозим.

– "Пахтакор"га ўз уйингизда йирик ҳисобда мағлуб бўлдингиз. Учинчи турда эса Суперлига пешқадами уйига сафар қилиш керак эди. Бу ҳолатда жамоа олдига қандай мақсад қўйганди?

– Бугунги топшириқ боримизни бериш эди. Уларга ўйиндан завқ олинг ва бор кучингизни ишга солинг дедим. Сизни мураббийлар кузатади деб айтдим. 

– ЎзПФЛ олдинги кубокларда бу каби академияларга имконият бермас эди. Фақат Суперлига ва бошқа жамоалар қатнашар эди. Ҳозир эса футбол академиялари ҳам иштирок этишмоқда. Тўғри, ҳисоб йирик ҳисоблар қайд этилади. Лекин бу қарор тўғри деб ўйлайсизми?

– Жуда ҳам тўғри. Бизнинг шогирдларга бу катта мотивация бўлмоқда. Ўз кучини Суперлига жамоалари билан солиштиришмоқда. Менимча бу жуда яхши қарор.

– Учта ўйиндан қайси жамоа билан яна ўйнаган бўлардингиз?

– "Насаф" билан. Улар бизни бошида аяшди менимча. Шу сабабли.