Сардор Азимов “Навбаҳор”га ўтди
31 июл 2017 17:49
Янгиликлар

Сардор Азимов “Навбаҳор”га ўтди

"Навбаҳор" аъзолари бугун режага кўра куннинг биринчи ярмида Республика спорт тиббиёти илмий амалий марказида тиббий кўрикдан ўтишди.

Бироздан сўнг эса Тошкент йиғинидаги дастлабки машғулот бошланади. Таркибдаги ўзгаришлар ҳусусида гап кетганида, жамоа сафига бугун ярим ҳимоячи Сардор Азимовнинг қўшилишини айтиб ўтиш жоиз. Мавсум биринчи ярмини Тошкентнинг “Бунёдкор” клубида ўтказган футболчи бир йиллик танаффусдан сўнг яна “Навбаҳор”га қайтди. Мухлисларга яхши маълумки, 2016 йилги чемпионат биринчи даврасини "Навбаҳор"да ўтказган ярим ҳимоячи ўзининг чиройли ўйинлари билан кўпчиликнинг эътиборини тортган эди. Айнан шундан сўнг “Бунёдкор” клуби раҳбарлари Азимовни ортга қайтаришга қарор қилишганди. Футболчи иккинчи даврани яна “Навбаҳор”да ўтказадиган бўлди.

Ҳавола :

Манба : pfcnavbahor.uz

Янгиликларни Телеграмда ўқинг!

Рейтинг: +4