Салимжон Зокиров: "Иккинчи даврада "Ёзёвон"га ҳужумчи олиб келмоқчимиз"

- Бугунги учрашув “дерби” мақомига эга эди. Бундай учрашувлар шиддатли ва кескин курашларга бой тарзда ўтади. Мана бугун учрашувни кузатган мутахассислар, ўйингоҳимизга ташриф буюрган мухлислар ўзлари гувоҳ бўлишди, учрашув жанговор руҳда ўтди. Илгариям айтганман, энди яна айтаман, бизда яратилган вазиятлардан фойдаланишда муаммолар кўзга ташланмоқда. Бу учрашувда биринчи бўлимда юзага келган имкониятлардан фойдаланганимизда, учрашув бутунлай бошқача ҳисоб билан якунланиши мумкин эди. Айнан шу бизда кузатилаётган камчилик устида ишлаймиз.

Иккинчи даврага тайёргарлик борасида режаларимиз мавжуд, биз иккинчи даврада жамоамизга ҳужумчи олиб келишни мақсад қилганмиз, кузатиб юрган футболчиларимиз бор. Биринчи давра бўйича фикр юритадиган бўлсак, бизда ҳужумдан бошқа чизиқда ҳозирча муаммолар йўқ, барча футболчилардан кўрсатаётган ўйинлари учун миннатдорман. Илгари айтганимдек, таркибимизга Иззат Ғаниевни қўшиб олсак, ўйлайманки ҳимоямиз бунданда мустаҳкам бўлади. Давралар оралиғида йиғин ўтказиш бўйича режамиз бор,  йиғин ўтказиладиган  жой бўйича кейинроқ маълумот берамиз.      

Бекзод Толибов ёзиб олди.