Салимжон Зокиров: "Ифтихор" билан ўйиннинг охирги 15 дақиқаси қоронғу майдонда бўлди"

Бугунги учрашув ҳақида шуни айтиш мумкинки, дарвозамиза киритилган биринчи гол жамоамиз дарвозабонининг хатога йўл қўйганлиги натижасида урилди. Бу гол бизнинг бугунги учрашувга танлаган режамизни бузиб юборди, жамоамиз аъзолари голдан сўнг бир оз тушкунликка тушиб қолишди. Шуни таъкидлаш жоизки, майдон сифати футбол ўйнаш учун талабларга тўла жавоб бермайди. Учрашув бошланишидан аввал айтган эдим, ўйинни соат 17:00 да бошлайлик, ўйин якунида қоронғу бўлиб кетади дегандим. Стадион ёритгичлари майдонни ёритиш учун кучи етмади. Барчангиз кўриб гувоҳ бўлдингиз, учрашувнинг охирги 15 дақиқаси қоронғу майдонда бўлди, учрашувда охирги киритилган голни қаранг, оддий вазият, футболчи зарба берди, дарвозабон қоронғуда тўпни кўрмади ва гол.

Бугунги кунда ўзбек футболида ижобий ислоҳотлар олиб борилмоқда. Футболимиз мутасаддилари миллий чемпионатлармиз савиясини кўтариш учун етарли даражада ишларни ташкил этишмоқда. Ўйлайманки, бугунги урашувда кузатилган муаммолар ҳам тезда барҳам топади. Биз энди бу учрашувни унутиб, кейинги ўйинга жиддий ҳозирлик кўрамиз. “Ифтихор” жамоасига кейинги учрашувларда омад тилайман.      

Бекзод Толибов ёзиб олди.