"СА" ходимлари Муборакда!

Шу муносабат билан клуб раҳбарияти ОАВга катта эътибор қаратган ҳолда, бир қатор журналистларни Муборак шаҳрига келиб-кетишлари учун қулай шароитларни яратиб берди.

Кеча камина билан бирга "Футбол Экспресс" газетасидан Фирдавсхон ва "Интер Футбол"дан Зафар Қосимов йўлга чиқдик. Соат 18:00да Тошкентдан қўзғалган поезд кеч соат 00:30да Қарши шаҳрига етиб келди. Поезд вокзалида бизни "Машъал" клуби вакили Ўткир ака кутиб олди ва айнан улар билан бирга Муборакка бордик.

Йўлда келиш асносида Ўткир ака билан суҳбатлашиб, гурунглашиб келдик. Анчагина хушчақчақ инсон экан.
Соат 01:45да Муборак шаҳридаги "Престиж" меҳмонхонасига келиб жойлашдик. Айтганча "СА"нинг мотори бўлган Нодирхўжа Юлдашев ва устозимиз Хайрулла Холиқов ҳам шу ерда. Улар биздан бир кун олдин Муборакка келишган.

Бугунги кун режасига кўра, нонуштадан сўнг "Машъал" стадиони яқинида жойлашган сунъий майдонда журналистлар ва академия мураббийлари ўртасида футбол учрашуви бўлиб ўтади. Бу ҳақда ва умуман сафаримиз хусусида имкон қадар кун мобайнида сизларга етказиб бериб туришга ҳаракат қиламиз.   

Муборак шаҳридан
Исломбек Рустамбеков