Рустам Умаров: "Тиббий кўрикдан сўнг жароҳатим қанчалик оғирлигини билиб оламиз"
22 фев 2016 11:27
Янгиликлар

Рустам Умаров: "Тиббий кўрикдан сўнг жароҳатим қанчалик оғирлигини билиб оламиз"

Футзал бўйича Осиё чемпионати финалидан сўнг Ўзбекистон терма жамоаси дарвозабони Рустам Умаров микст зонада ўз фикрларини билдирди.

"Финал учрашувида Эронга қарши муносиб ўйнадик деб ўйлайман. Тезкор гол уришга эришдик. Бироқ иккита хато туфайли голлар ўтказиб юбордик. Иккинчи голда бир сонияга бўшашганимиз оқибатида рақиб гол уриб кетди. Умуман олганда учрашув мухлисларга ёқди деб ўйлайман".

"Жароҳатим борасида ҳозирча аниқ маълумот йўқ. Тиббий кўрикдан ўтгач барчаси маълум бўлади. Мени ўрнимга тушган Клим Тюгаев ажойиб ҳаракат қилди, бир қатор вазиятларда жамоамизни голлардан қутқарди".

"Мухлисларга келсак ғалабаларимизда уларнинг жуда катта хиссаси бор. Осиё чемпионатида бизни қойилмақом тарзда қўллба турган мухлисларимизга раҳмат айтаман. Доимо футзални севинг, футзал билан шуғулланинг!",- дейди Рустам Умаров.

Файзулла Сайдуллаев ёзиб олди

Ҳавола :

Манба : championat.asia

Янгиликларни Телеграмда ўқинг!

Рейтинг: +9