Рўзиқул Бердиев: «Чемпионатдан ҳам кўра кубок учун кураш қизғин бўлади»
23 июл 2020 22:55
Янгиликлар

Рўзиқул Бердиев: «Чемпионатдан ҳам кўра кубок учун кураш қизғин бўлади»

Хабарингиз бор, бугун Ўзбекистон Кубоги гуруҳ босқичи учун қуръа ташлаш маросими бўлиб ўтди. Унга кўра “Насаф” «Сурхон», «Қизилқум» ҳамда «Машъал» жамоалари билан «Б» гуруҳидан ўрин олди.

Қаршиликлар бош мураббийи Рўзиқул Бердиев клуб матбуот хизмати вакилларига бугунги қуръа ҳақида ўз фикрлари билан ўртоқлашди.

“Ўзбекистон кубоги учун бўлиб ўтган қуръа ташлаш маросимини кузата олмадим. Чунки жамоамиз билан кечки машғулотларни олиб бораётгандик. Қуръа натижалари билан интернетда танишдим. Ўйлайманки, гуруҳдаги жамоалар бир-бирларига мос тушишди. Кубок учун курашлар муросасиз кечади. Кўп жамоалар кубокни қўлга киритишни ўз олдиларига мақсад қилишади. Бу йилги футбол мавсуми шуни кўрсатаябдики кўп жамоаларнинг кучлари тенглашган. Шунинг учун кубок учун бўладиган кураш чемпионатимиздан-да қизиқарлироқ бўлади”,- дейди Рўзиқул Бердиев.

Ҳавола :

Манба : "Насаф" матбуот хизмати

Янгиликларни Телеграмда ўқинг!

Рейтинг: +7