Рэмсдейл "Лидс" мухлислари унга улоқтирган тангалардан 17 фунт тўплаганини айтди

"Арсенал" клуби дарвозабони Аарон Рэмсдейл АПЛ 18-туридан ўрин олган "Лидс" - "Арсенал" (1:4) учрашуви пайтида мухлислар унга тангалар ва ҳар хил бошқа буюмлар улоқтиришганини гапириб берди.

"Биринчи таймдан сўнг мухлислар турли хил буюмлар улоқтира бошлашди. Кейин эса пуллар учиб келишни бошлади. Ерда 2 фунтлик танга ётганини кўрдим. Мен шундай тангаларни йиғаман. Шу сабаб ҳам, уни ўзим билан олдим. У  ерда яна 1 фунтлик ва 50 пенслик тангалар ҳам бор эди. Уларни сочиғим ичига солдим ва танаффусда кийим алмаштириш хонасига олиб кетдим. 

Иккинчи таймда эса тангалар учиб келишда давом этаверди. Мен майдондан умумий ҳисобда 17 фунт йиғиб олдим. У ерда бир қанча тангалар қолиб кетди. Уларни ҳаммасини териб олишни иложи бўлмади", -деди Аарон Рэмсдейл.