Расмус Хойлунд: "Юнайтед"да қолишни истайман"

Олдинроқ унинг хизматларига "Милан" ва "Ювентус" томонидан қизиқишлар бўлаётгани айтилганди.

"Менимча режаларим барчага аён - шу ерда қолишни ва асосий таркиб учун курашишни истайман. Рақобатга тайёрман. Бу мени илҳомлантиради. Кучимга ишонаман ва барча воқеликларни тўғри қабул қиламан.

Ҳали ёшман, одамлар буни эсидан чиқариб қўйишмоқда. Бу ёшгача ҳамма ҳам 100та гол ура олмайди. Кўп нарсаларни ўргандим ва энди буни ўйинларим орқали кўришингиз мумкин. Ривожланишда давом этяпман.

Ўтган мавсум барчамиз учун қийин ўтди. Барчанинг фикрича, мен яхшироқ ўйнашим керак эди. Бироқ бу жамоавий ўйин. Биз яхшироқ бўлишимиз керак. Биз тўғри йўлдамиз ва мавсумни сабрсизлик билан кутяпмиз", - деди Расмус.