UZ

Сўнгги янгиликлар

01:40А Серия. "Милан" сафарда йирик ғалаба қайд этди, Меньян оғир жароҳат олди  1 01:26Саудия Арабистони. "Ал Ҳилол" дуранг ўйнади, чемпион деярли аниқ...ми?  0 01:16U-17 Осиё Кубоги. Чорак финалнинг барча жуфтликлари маълум  3 00:45Суперлига. Искандеров "Машъал"га бурчак зарбасидан гол урди, Аҳмедов эса "Шўртан"га пенальтидан гол ура олмади  1 00:41Сергей Лушан: "Бармоғимни бир шақиллатсам, сеҳр билан камчиликлар тўғриланиб қолмайди"  4 00:20U-17 Осиё Кубоги. Тожикистон жаҳон чемпионатида, ҳайр Эрон!  6 23:55Анвар Бердиев ўтган мавсумдаги тўпурар ҳужумчиси нима сабабдан "Шўртан"дан кетганини айтди  4 23:22ЛаЛига ҳакамларни ўйинларга тайинлаш ва баҳолашда бошқача йўлга ўтмоқчи  2 22:47Асрор Алиқулов: "Стандарт вазиятлар бизга қимматга тушди"  11 22:18Суперлига. "Навбаҳор" ўз майдонида "Шўртан"ни мағлуб этди  74 21:53Перес "Реал" қароргоҳига ташриф буюрди  17 21:26Виталий Левченко: "Бугун тўп назоратига урғу қаратдик"  2 20:59Пеп Гвардиола: "Энг яхши ҳужумчимиз ва уч ҳимоячи сафдан чиққан"  8 20:19Рио Фердинанд "Арсенал"ни "Реал" ҳақида огоҳлантирди  10 20:00Суперлига. "Нефтчи" "Машъал"ни йирик ҳисобда енгди  36

Расмий хабар: "Динамо" ва "Сурхон" Суперлигада ўйнайди Янгиликлар

Расмий хабар: "Динамо" ва "Сурхон" Суперлигада ўйнайди

Суперлиганинг 2019 йилги мавсумида 14та клуб иштирок этади. Ўзбекистон футбол ассоциацияси Лицензиялаш қўмитаси “Сурхон” ҳамда “Динамо” клубларига шартли равишда Суперлига йўлланмасини тақдим этди.

Ўзбекистон футбол ассоциацияси раҳбарияти ҳудудларда футболни ривожлантириш йўлида жонбозлик кўрсатаётган вилоят ҳокимларини қадрлайди. Бунгача Наманган вилояти ҳокими Хайрулла Бозоров, Андижон вилояти ҳокими Шуҳрат Абдураҳмонов кабилар вилоят футболини ривожлантириш йўлида катта ҳамждаги ишларни амалга ошираётганди. Ортда қолган бир неча ой давомида эса Сурхондарё ва Самарқанд вилоятлари ҳокимлари ҳам ЎФА билан тўлақонли ҳамкорлик қилишга тайёр эканликларини билдирди.

“Сурхондарё вилояти бир неча йиллар давомида катта футболдан узоқда қолди. Эркинжон Турдимов мазкур вилоятга раҳбар этиб тайинлангач, вилоят футболида ижобий ўзгаришлар кузатила бошланди. Айни вақтда “Сурхон” футбол клуби Лицензиялаш қўмитаси илгари сурган барча талабларни бажарди. Вилоятдаги бош стадионни таъмирлашда айни вақтдаги ҳоким Баҳодир Пўлатов ҳам ўз ёрдамини аяётгани йўқ. Эркинжон Турдимовнинг ўзи эса эндиликда Самарқанд вилоятида футболни кўтариш ишларини бошлаб юборди. Мазкур ишлар Ўзбекистон футбол ассоциациясининг эътиборидан четда қолмайди. Шунингдек, ҳар икки вилоятда миллионлаб футбол мухлислари катта футболни соғиниб қолгани учун ҳам “Динамо” ва “Сурхон”га шартли равишда Суперлига йўлланмасини тақдим этиш бўйича қарор қабул қилинди”, — деб мазкур ҳолатга ўз муносабатини билдирди ЎФА биринчи вице-президенти Умид Аҳмаджонов.

Бунгача Профессионал футбол лигаси 12та клуб иштирок этиши учун мўлжалланган формат ва регламентни тақдим этиб улгурганди. Кейинроқ бу масала Лицензиялаш қўмитаси ва ЎФА Ижроқўми аъзолари ўртасида таҳлил қилинди. Унда қатор фикрлар билдирилди, жамоалар сонининг ошиши мунозараларга сабаб бўлди. Якунда ЎФА Ижроқўми Профессионал футбол лигасига янги талаб бўйича айрим бандлари ўзгартирилган регламентни тасдиқдан ўтказиш учун бир ҳафта муҳлат белгилади. Қўшимчасига, бугун — 25 февраль куни бўлиб ўтадиган Суперлиганинг 2019 йилги мавсуми учун қуръа ташлаш маросимида “Сурхон” ва “Динамо” вакиллари ҳам иштирок этишига рухсат берди.

“Чемпионат стартига бир неча кун қолганда шундай қарор қабул қилдик. Бунгача Суперлиганинг 12та клубини ўз талабларимиз бўйича ишлашга ундай олдик. Энди эса яна икки клуб уларга етиб олиш йўлида меҳнат қилади. Бизнинг мақсадимиз иложи борича каттароқ ҳудудларни футбол билан қамраб олиш, иложи борича кўпроқ мухлисларни футболга қайтаришдан иборат. Мана шундай катта мақсадлар йўлида регламентлардаги кичик ўзгаришларгача боришга тайёрмиз”, — деди Умид Аҳмаджонов.

Суперлиганинг янги формати ва унинг атрофидаги қолган жараёнлар ҳақида Профессионал футбол лигаси расман маълумот беради.

Рейтинг: -192   

Фикрлар

championat.asia
< сўнгги янгиликларни кўриш
Яндекс.Метрика