Расмий хабар. Бахтиёр Ашурматов “Андижон” бош мураббийи

Ишқибозларга яхши таниш бўлган Бахтиёр Ашурматов эндиликда “Андижон” бош мураббийи сифатида фаолият юритадиган бўлди. Клуб раҳбариятининг маълум қилишича, Бахтиёр Аъзамович бугун Андижонда бўлиб клуб раҳбарлари билан музокара ўтказган ва якунда унинг яна водий жамоасида ишлаши маълум бўлди. 

Айтиш керакки, бундан аввал Ашурматовнинг “Навбаҳор” билан хайрлашганидан сўнг “Қизилқум”да маслаҳатчи мураббий сифатида ишлаши ҳақида хабар тарқалганди. Аммо таниқли мутахассис бугундан эътиборан “бургутлар” устозига айланди.