Расман: "Боруссия Д" бош мураббийни истеъфога чиқарди
22 янв 2025 14:34
Янгиликлар

Расман: "Боруссия Д" бош мураббийни истеъфога чиқарди

Нури Шахин Дордмунднинг "Боруссия" клуби бош мураббийлигидан истеъфога чиқарилди.

Бу ҳақда немис клуби матбуот хизмати хабар берди.

"Sky Sport"нинг маълумотига кўра, бу ҳақда жамоа ва мураббийга кеча тунда Болоньядаги меҳмонхонада хабар берилган. Маълумот учун, тунда "Боруссия Д" Италияда "Болонья" меҳмони бўлди ва 1:2 ҳисобида имкониятни бой берди.

Айни пайтда дордмундликлар Бундеслига турнир жадвалида 10-ўринни эгаллаб туришибди. Улар барча мусобақаларда кетма-кет 4 мағлубиятни қабул қилиб олишди.

Шахин жамоани ўтган ёзда қабул қилиб олган эди. У 27 ўйинда 12 бор ғалаба қозонди, 11 та мағлубият ва 4 та дурангга эришди.