Расман: “Аякс” форварди “Спартак”га қайтди
24 фев 2021 20:20
Янгиликлар

Расман: “Аякс” форварди “Спартак”га қайтди

Амстердамликлар ҳужумчиси Квинси Промес “Спартак” билан шартнома имзолаш учун Москвага келди, дея хабар бермоқда клуб матбуот хизмати.

Промес тез орада тиббий кўрикдан ўтади ва собиқ жамоаси билан 3,5 йиллик шартнома имзолайди. 29 ёшли футболчининг трансфер суммаси эса бонуслар билан бирга 11 млн еврога баҳоланмоқда.

Квинси 2014-2018 йилларда ҳам “Спартак” шарафини ҳимоя қилган. У “қизил-оқлар” таркибида Россия чемпионига айланган ва мамалакат Суперкубогини қўлга киритганди.

Нидерландиялик жорий мавсум “Аякс” либосида 25 ўйинда қатнашиб, 6+1 натижа кўрсатди.