Рангник: “Менга МЮнинг ўйини умуман ёқмади”

“Ўйинимиз менга умуман ёқмади. Бугун баъзи вазиятларни ҳисобга олмаганда, ўйинни назорат қилолмадик.

Барчаси энергия, жисмоний ҳолат ва курашларда ғалаба қозониш билан боғлиқ, биз бу жабҳаларда одатдаги даражамизда эмасдик. Ижобий ҳолат шундаки, бир очкога эга бўлдик, аммо ўйинимиз яхшироқ чиқиши керак эди.

Курашларга тайёр бўлиш лозим, уларда устун келиш керак. Бугун эса бундай бўлмади. Тўпни назорат қилганимизда, гол ўтказиб юборганимизда ҳам кўп нарсани йўқотдик ва бу албатта вазифани осонлаштирмайди.

Уч кундан кейин бизни навбатдаги баҳс кутмоқда, биз яхшироқ ўйнашимиз, жисмонан кучли бўлишимиз зарур. Ўзимизни оқлашимиз шарт эмас. Бугун ўйиндан ҳам, прессинг қилишимиз керак бўлган вазиятлардан ҳам қониқмадим”, дейди немис мутахассиси.