"Барселона" ва "Манчестер Сити" "Интер" ҳимоячиси Дензел Дюмфрисга бўлган қизиқишини давом эттирмоқда. Sportmediaset нашрининг таъкидлашича, каталонияликлар 29 ёшли голландиялик футболчини ҳамон мудофаанинг ўнг қаноти учун асосий номзод сифатида кўришмоқда. Жоау Канселунинг келиши "Барселона"нинг бу масаладаги фикрини ўзгартирмади.
Дюмфриснинг "Манчестер Сити"га ўтишига эса жамоа бош мураббийи Пеп Гвардиола қизиқиш билдирмоқда.
А Сериясининг жорий мавсумидаги 11 та ўйинда Дюмфрис битта гол урди ва битта сариқ карточка олди. Дензел ноябрь ойидан бери тўпиғидан олган жароҳати туфайли майдонларга тушмасдан келаяпти.
