"Қўқон-1912" сафига сербиялик икки футболчи ва бир мураббий келди
27 янв 2018 08:46
Янгиликлар

"Қўқон-1912" сафига сербиялик икки футболчи ва бир мураббий келди

"Қўқон-1912" жамоаси футболчилари янги мавсумга тайёргарликни навбатдаги босқичини бошлашди.

Кеча жамоа аъзолари ўзларининг Қўқондаги қароргоҳларида тўпланишди ва Учкўприкдаги стадионда дастлабки машғулотларни ўтказишди.

Жамоа таркибига Сербия давлатидан икки нафар футболчи ҳамда бир мураббий қўшилди. Мухлисларга яхши таниш бўлган ҳимоячи Дарко Гожкович яна жамоамиз йиғинларига қўшилди. Яна бир янги футболчи эса Сербия супер лигаси вакили «Рад» жамоасидан таклиф этилди. Ҳужумчи Ненад Лукич мураббийлар кўригидан ўтади.
Тошкентнинг «Пахтакор» жамоасида 2012-2014 йилларда фаолият олиб борган Дражен Дукич бундан буёғига Нўъмон Ҳасановга ёрдам беради.

Жамоа бугундан Фарғонага шаҳрига кўчиб ўтади.Эртага эса Фарғонада бошланадиган «Ҳоким кубоги-2018» мусобақасида иштирокини бошлайди.