"Қўқон-1912": Машғулотлар давом этмоқда. Таркибда янгилар бор

Машғулотлар кунига икки маҳалдан ўтказиляпти. Жамоа машғулотларига бир нечта янги футболчилар қўшилган.

Кечаги машғулотларда ҳимоячилар Шодиёр Хожиматов ("Нефтчи"), Эргаш Исмоилов ("Бухоро"), Азамат Исроилов ("Сурхон"), ҳужумкор ярим ҳимоячи Шохназар Норбеков ("Сурхон"), ҳужумчи Ризо Айвазов ("Истиқлол") иштирок этишди. Дилшод Раҳматуллаев эса спорт формасини ушлаб туриш мақсадида жамоамиз билан машғулотларда қатнашиб турибди.

Шунингдек ўтган мавсумни ўринбосарлар таркибида ўтказган Дилшод Баратов ҳам асосий таркиб билан машғулотларда иштирок этяпти.

9 январь куни Душанбенинг “Истиқлол” жамоаси билан назорат ўйини ўтказилади. 14 январь куни эса “Сўғдиёна” ҳамда 18 январь куни “Андижон” жамоалари билан ўртоқлик ўйинлари ўтказиш борасида келишувга эришилган.