“Қизилқум” назорат баҳсида “Актобе”дан устун келди

Навоийнинг “Қизилқум” клуби ҳам Туркиянинг Анталия шаҳрида ҳозирликни давом эттирмоқда. Ҳамиджон Актамов бошчилигидаги жамоа аъзолари, кеча мазкур йиғин доирасидаги илк назорат ўйинида майдонга тушишди.

Қозоғистоннинг “Актобе” жамоасига қарши кечган учрашувда навойиликлар 2:1 ҳисобида ғалаба қозонишди. 17-дақиқада тажрибали ўйинчи Алишер Саноев ҳисобни очган бўлса, 35-дақиқада рақиб футболчиси Жасанов ўртадаги мувозанатни тиклади. Иккинчи бўлим бошида Руслан Маргиев ғалаба тўпини киритди - 2:1.

Маълумот ўрнида таъкидлаш лозимки, таркибда айрим ўзгаришлар бор. Ҳусусан, никарагуалик футболчи Смит Медина яна собиқ жамоасига қайтди. Тошкентдаги йиғинда қатнашган дарвозабон Эдуард Байчора ва Якуба Бомбага жавоб бериб юборилди. Шунингдек, “Динамо”дан ҳужумчи Қадамбой Нурметов таклиф этилган.

“Қизилқум” - "Актобе" 2:1
Голлар: Алишер Саноев, Руслан Маргиев - Жасанов.
“Қизилқум”: 1.Руслан Матниязов, 21. Муҳсин Убайдуллаев, 13. Абди Башимов,8. Олег Толмасов, 17. Салим Мустафоев, 97. Арслан Ильясов, 77. Руслан Маргиев, 10. Алишер Саноев, 23. Шерали Жўраев, 90. Суннатилла Абдуллажонов, 11. Қадамбой Нурметов
Захира: 28. Артём Макосин, 71. Нодир Камолов, 9. Ҳумоюн Абдуалимов, 78. Хуршид Олимов, 86. Воҳид Шодиев, 89. Достон Ибрагимов, 25. Азизбек Усмонов, 14. Файзулло Қамбаров, 19. Миржалол Қосимов