ПСЖ Тчуаменини "Реал"дан "илиб кетмоқчи"

Олдинроқ Мадрид клуби 22 ёшли футболчини ушбу трансфер ойнасида қўлга киритмаслиги ва унинг трансферини кейинги йилга қолдириши мумкинлиги маълум қилинганди. Бундан Тчуамени билан шартнома имзолашдан манфаатдор бўлган ПСЖ фойдаланиши мумкин.

Жорий мавсумда Тчуамени “Монако” сафида 47 та ўйинда майдонга тушиб, 5 та гол урди ва 2 та голли узатмани амалга оширди. Трансфермаркт футболчининг нархини 40 миллион еврога баҳоламоқда.

Аввалроқ футболчига Англия жамоалари ҳам қизиқиш билдираётгани хабар қилинганди. “Ливерпуль” ва “Челси” ҳам франциялик футболчини ўз таркибида кўришни истамоқда.