ПСЖ эгалари "Брага" акцияларини сотиб олади

Ушбу хабар бугун тонгда Франция нашрларида пайдо бўлди. ПСЖ ва "Qatar Sports Investments" президенти Носир Ал Ҳелайфи номидан эълон қилинган баёнотда Португалия футболи "энг иштиёқли мухлисларга эга ва дунёдаги энг яхши иқтидорлар скаутлар тармоғига эга эканлиги" туфайли ушбу қарорга келгани маълум қилинади. Шунингдек:

"Брага" нуфузли тарих, улкан амбиция ва майдонда ҳам, майдон ташқарисида ҳам обрў-эътиборга эга бўлган Португалиянинг намунали муассасаларидан биридир. Сармоядорлар ва ҳамкорлар сифатида биз клубнинг инновацияси, ўсиши ва тараққий топишини кўришни сабрсизлик билан кутамиз. Тижорий нуқтаи назардан ўз бренди ва у қўллаб-қувватлайдиган барча жамоалар, эркаклар ва аёллар жамоалари ўсишини кўришни истаймиз", – дейилади баёнотда.

Айни пайтда Португалия чемпионатида учинчи ўринни эгаллаб турган "Брага" QSI маълум улушига эга бўлган Европанинг иккинчи клубига айланади. Бельгиянинг "Эйпен" клуби ҳам қатарлик сармоядорларга тегишли.