ПСЖ Агуэро учун "Манчестер Сити"га 68 млн. евро таклиф қилиши мумкин
24 июн 2017 14:16
Янгиликлар

ПСЖ Агуэро учун "Манчестер Сити"га 68 млн. евро таклиф қилиши мумкин

"Манчестер Сити" ҳужумчиси Серхио Агуэро фаолиятини Франция чемпионатида давом эттириши мумкин.

Маълумотларга кўра, ПСЖ 28 ёшли аргентиналик учун инглиз клубига 68 млн. евро таклиф қилишга тайёргарлик кўрмоқда. Агуэро ҳамда "шаҳарликлар" устози Хосеп Гвардиола ўртасидаги ноқулай муносабат туфайли, парижликлар бу келишув амалга ошишига ишонади.

Агуэро бу ҳафтада "Манчестер Сити" билан шартномасини охиригача адо этишни истаётганини айтган эди. Футболчи ҳамда "шаҳарликлар" ўртасидаги битим 2019 йилнинг ёзида якунланади.

Сўнгги мавсум Агуэро АПЛнинг 31 та учрашувида 20 та гол урди ва 3 та голли пас берди.

Ҳавола :

Манба : The Times

Янгиликларни Телеграмда ўқинг!

Рейтинг: