Маскерано: "Мен учун Месси – футбол тарихидаги энг яхши футболчи"
10 июл 2025 14:33
Янгиликлар

Маскерано: "Мен учун Месси – футбол тарихидаги энг яхши футболчи"

"Интер Майами" бош мураббийи Хавьер Маскерано MLS'нинг навбатдаги турида "Нью-Инглэнд Революшн" устидан қозонилган ғалабадан сўнг (2:1) Лионель Мессининг ўйинини юқори баҳолади.

38 ёшли аргентиналик футболчи ушбу баҳсда дублга эришди.

"Мен ҳар доим Лео ажралиб турадиган ўйинчи эканлигини айтаман. Мен учун у бу спорт тарихидаги энг яхши футболчи. У кўп йиллар қилган ишини ҳозир ҳам давом эттирмоқда, бу ақлга сиғмайдиган нарса. У ўзгача футболчи ва таркибимизда унга эга бўлишдан бахтиёрмиз.
Бускетс ва Месси кўп йиллар давомида [бирга] ўйнашади, шунинг учун улар бир-бирлари билан умумий тилни осонгина топишади, иккинчи голда шу яққол кўринди. Серхио Лео қачон ва қаерда тўпни қабул қилмоқчи эканлигини тушунади", – деди Маскерано.

"Интер Майами" 35 очко билан Шарқий конференцияда 5-ўринда бормоқда. "Нью-Инглэнд" эса 24 очко билан 11-поғонага жойлашган.

Ҳавола :

Манба : mlssoccer.com

Янгиликларни Телеграмда ўқинг!

Рейтинг: +1