Превью. "Нефтчи" - "Локомотив"

«НЕФТЧИ» – «ЛОКОМОТИВ»
14 июнь. 17:45. Қиргули. "Нефтчи СК" стадиони.
Ҳакамлар: Б.Намозов, Б.Норсафаров, В.Лушин, И.Гормашов
Назоратчи: А.Арутюнов.

“Нефтчи” ва “Локомотив” олий лигада 18 бора тўқнаш келишган. Натижалар мутлақо тенгликни кўрсатмоқда.

“Локомотив” 9 мартадан ғалаба қозонган, “Нефтчи” ҳисобида 7та муваффақият мавжуд. 2та баҳсда дуранг қайд этилган. “Нефтчи” ўзаро ўйинларда 27та гол киритган, “темирйўлчилар” ҳам 27 бора фарғоналиклар дарвозасини ишғол этишган. Фарғона жамоаси ўзаро ўйинларда 23, “Локо” эса 29 очкога эга чиққан. Фарғоналикларнинг ўзаро ўйинларда энг йирик ғалабаси 4:0га тенг бўлса, “Локомотив”да бу кўрсаткич 4:1га тенг.

Ўтган йил ҳар иккала ўйинда ҳам “Локомотив” ғалаба қозонган. Фарғонадаги баҳсда Фарҳод Тожиев дублга эришган, Зайниддин Тожиев битта гол урган. Мезбонлар сафида Санжар Асқаралиев ҳисобни қисқартирганди – 1:3. Тошкентда ҳам шу ҳисобда “темирйўлчилар” зафар қучишган. Иван Нагаев, Александр Шадрин ва Ислом Тўхтахўжаевнинг голларига Носир Отақўзиев жавоб берганди – 3:1.

Фарғонада ўтган сўнгги беш учрашув:

30.03.2013  «Нефтчи» - «Локомотив» 1:3
19.10.2012  «Нефтчи» - «Локомотив» 1:1
31.10.2010  «Нефтчи» - «Локомотив» 2:1
05.11.2009  «Нефтчи» - «Локомотив» 2:4
12.04.2008  «Нефтчи» - «Локомотив» 1:0

Ўзаро ўйинлар ҳақида факт: “Нефтчи” ўз майдонида ўтган 9та ўйиннинг 5тасида зафар қучган. “Темирйўлчилар” уч марта (2007, 2009 ва 2013 йилларда) Фарғонадан уч очко билан қайтишган. Водийда бу жамоалар бир марта дуранг қайд этишган.