Превью. "Насаф" - "Машъал"

«Насаф» (Қарши) – «Машъал» (Муборак)
1 июль 2015. Қарши. “Марказий” стадиони. 20:00
Ҳакамлар: В. Цейтлин (Тошкент), М. Саидқосимов (Тошкент), Р. Серазетдинов (Тошкент), А. Нажафалиев (Тошкент)
Назоратчи: А. Арутюнов (Тошкент).

“Насаф” ва “Машъал” олий лигада жами 24 бора тўқнаш келишган. Шулардан 12тасида қаршиликлар ғолиб бўлишган, 6та  ўйинда дуранг қайд этилган. “Машъал” ҳозирга қадар ўзаро ўйинларда “аждарлар”ни 6 марта мағлуб эта олган. Тўплар нисбати “Насаф” фойдасига 40:25 ни ташкил қилмоқда. Ўзаро ўинларда “Насаф” 42 очкони, “Машъал” эса 24 очкони қўлга киритган.

“Насаф”нинг ўзаро ўйинларда қозонган энг йирик ғалабаси – 3:0 га тенг бўлса, муборакликларда бу кўрсаткич 4:1 бўлиб турибди.

Ўтган йил Қаршида “аждарлар” 4:2 ҳисобида ғалаба қозонишганди. Алишер Юсупов, Артур Геворкян (3та) томонидан урилган голларга Мўйдин Мамазулумов ва Жаҳонгир Абдумўминов жавоб беришганди. Муборакда эса дуранг қайд этилган. 86-дақиқада Артур Геворкян пенальтидан ҳисобни очган, 90+1-дақиқада Мирзоҳид Ғофуров ҳисобни тенглаштирганди – 1:1.

Қаршида ўтган сўнгги беш учрашув:
14.06.2014  «Насаф» – «Машъал»  4:2
27.09.2012  «Насаф» – «Машъал»  3:0
15.05.2011  «Насаф» – «Машъал»  2:0
21.05.2010  «Насаф» – «Машъал»  3:1
19.08.2009  «Насаф» – «Машъал»  2:0

Ўзаро ўйинлар ҳақида факт : Бу жамоаларнинг Қаршида ўтган ўйинларида икки марта “Машъал” ғалаба қозонган. Қолган 10та ўйинда “аждарлар” ўз майдонида уч очкога эга бўлишган. Англаганингиздек Қаршида бу жамоалар умуман дуранг қайд этишмаган. Охирги 5 йилда “Насаф” ўз уйида “Машъал” устидан фақат ғалаба қозонган.