"El Nacional" xabariga ko'ra, Fransiya grandi himoyachining yoshini inobatga olgan holda ham unga juda foydali shartnoma taklif qilib, yozda "Bernabeu"ni tark etishga ko'ndirishni rejalashtirmoqda.
PSJ tarkibida ko'plab yosh va istiqbolli futbolchilar bor, klub rahbariyati esa jamoa kiyinish xonasida Ryudiger kabi tajribali futbolchi zarur, deb hisoblamoqda.
Germaniyalik markaziy himoyachining amaldagi bitimi mavsum oxirigacha amal qiladi. 32 yoshli Ryudiger joriy mavsum barcha musobaqalarda 7 o'yin o'tkazdi, u uzoq muddat jarohat sabab maydondan chetda qolgan edi.
