Бу ҳақда "TalkSPORT" хабар берди.
Диоманде жорий мавсум Бундеслиганинг энг ёрқин ўйинчиларидан бирига айланди: у 14 ўйинда жамоасининг 8 та голида бевосита иштирок этган. Манба маълумотига кўра, агар қизиқиш аниқ таклифга айланса, "Манчестер Юнайтед" қишки трансфер ойнасида футболчини тахминан 87 миллион фунт эвазига сотиб олишга уриниши мумкин.
Диоманде айни пайтда Кот-д'Ивуар терма жамоаси сафида Африка Миллатлари Кубогида иштирок этмоқда ва январь ойи охирида "Лейпциг"га қайтади. Футболчининг немис клуби билан битими 2030 йилнинг июнигача амал қилади: у Германияга жорий йил бошида кўчиб келган.
