Превью. "Машъал" - "Сўғдиёна"

«Машъал» (Муборак) – «Сўғдиёна» (Жиззах)
18 сентябрь 2015. Муборак. Баҳром Вафоев номидаги стадион. 17:00
Ҳакамлар: В. Коваленко (Тошкент), Р. Самандаров (Навоий), О. Жумаев (Навоий), Д. Мухтаров (Тошкент)
Назоратчи: А. Попов (Тошкент).
 
“Сўғдиёна” ва “Машъал” олий лигада 21 бора тўқнаш келишган. Натижалар Муборак жамоасининг катта устунлигини кўрсатмоқда.

“Машъал” 11 марта бу жамоадан устун келган. “Сўғдиёна” 5 марта ғалаба қозонган ва 5 бор дуранг ўйнаган. “Машъал” тўплар нисбатида ҳам устунликка эга – 33:21. “Газчилар” ўзаро ўйинларда 38, “Сўғдиёна” эса 20 очкони ўз ҳисобига ёзиб қўйган. Жиззахликларнинг нинг ўзаро ўйинлардаги энг йирик ғалабаси 3:0, “Машъал”нинг энг йирик муваффақияти 5:1га тенг.

7-турда Зоминда бўлиб ўтган ўйинда мезбонлар ҳужумчиси Анвар Ражабов ҳисобни очганди. Акмал Абдураҳмонов ҳисобдаги фарқни иккитага оширганди. “Машъал”ни иккинчи давра бошида тарк этган Владислав Ивановнинг урган голи фақатгина ҳисобни қисқаришини таъминлаганди холос – 2:1.

Муборакда ўтган сўнгги беш учрашув:
03.08.2014 «Машъал» - «Сўғдиёна» 3:2
21.05.2011 «Машъал» - «Сўғдиёна» 1:1
09.11.2009 «Машъал» - «Сўғдиёна» 2:0
02.11.2008 «Машъал» - «Сўғдиёна» 0:0
10.08.2006 «Машъал» - «Сўғдиёна» 3:0

Ўзаро ўйинлар ҳақида факт: “Машъал” ўз майдонида олти бора “Сўғдиёна”дан устун келган. Уч учрашувда ғолибни аниқлашнинг имкони бўлмаган. Бир марта Жиззах клуби сафардан ижобий натижа билан қайтган. Охирги олти учрашувда “Сўғдиёна” сафарда бу жамоани мағлуб эта олмаган.