Превью. "Машъал" - "Локомотив"

«Машъал» (Муборак) – «Локомотив» (Тошкент)
21 май. Муборак. Баҳром Вафоев номидаги стадион. 17:30
Ҳакамлар: Р. Бобомуродов (Навоий), Р. Самандаров (Навоий), О. Жумаев (Навоий), Э. Турсунов (Бухоро)
Назоратчи: С. Нажафалиев (Тошкент).

“Машъал“ ва “Локомотив“ олий лигада жами 16 маротаба куч синашишган. Натижалар “Машъал”нинг устунлигини кўрсатмоқда. “Машъал” 16 баҳснинг 9тасида ғалаба қозонган. Битта учрашувда томонлар муроса кўчасини танлашган ва 6та ўйинда “Локомотив”нинг қўли баланд келган. Тўплар нисбати ҳам “Машъал” фойдасига 23:15. Ўзаро ўйинларда “Машъал” 28 очони қўлга киритган бўлса, “Локомотив” 19 очколик бўлган.

“Локомотив”нинг “Машъал” устидан қозонган энг йирик ғалабаси – 2:0. Ўз навбатида “Машъал”нинг  “темирйўлчилар” устидан қозонган энг йирик ғалабаси – 4:1 ни ташкил этади.

Ўтган йил “Машъал” олий лигада иштирок этмаган. 2012 йил бу жамоалар ўртасидаги ўйинларда “Локомотив” ғалаба қозонганди. Тошкентда Ислом Тўхтахўжаев томонидан урилган ягона гол "Локо"га уч очко келтирганди - 1:0. "Машъал" майдонида ташкил этилган баҳсда Зайниддин Тожиев пенальтидан гол уриб меҳмонларни ҳисобда олдинга олиб чиққан, биринчи бўлимнинг ўзида Милорад Рисанович пенальтидан тўп киритиб ҳисобни тенглаштирганди. 90-дақиқада Александр Шадрин "темирйўлчилар"га ғалаба келтирувчи голни урганди - 1:2.

Муборакда ўтган сўнгги беш учрашув:
26.08.2012  «Машъал» – «Локомотив»  1:2
15.05.2010  «Машъал» – «Локомотив»  1:0
09.10.2009  «Машъал» – «Локомотив»  1:0
18.05.2008  «Машъал» – «Локомотив»  2:1
22.09.2007  «Машъал» – «Локомотив»  4:1

Ўзаро ўйинлар ҳақида факт : “Машъал” клуби ўз уйида “Локомотив”га қарши кечган 8та ўйиндан фақат иккитасида мағлуб бўлган. Қолган 6та ўйинда муборакликлар зафар қучишган. “Темирйўлчлар” 2006 ва 2012 йилларда сафарда зафар қучишган.