Превью. "Локомотив" - "Нефтчи"

“Локомотив” ва “Нефтчи” олий лигада 17 бора тўқнаш келишган. Натижалар “Локомотив”нинг кичик устунлигини кўрсатмоқда.

“Локомотив” ҳам 8та ўйинда зафар қучган, “Нефтчи” эса 7та баҳсни ўз фойдасига ҳал қилган. 2та учрашувда дуранг қайд этилган. “Нефтчи” ўзаро ўйинларда 26та гол киритган, “Темирйўлчилар” 24 бора фарғоналиклар дарвозасини ишғол этишган. Ўзаро ўйинларда “Локомотив” 26, “Нефтчи” 23 очкога эга бўлган. Фарғоналикларнинг ўзаро ўйинларда энг йирик ғалабаси 4:0га тенг бўлса, “Локомотив”да бу кўрсаткич 4:1га тенг.

Биринчи даврада Фарғонада бўлиб ўтган ўйинда “темирйўлчилар” муваффақият қозонишган. Фарҳод Тожиев икки марта, Зайниддин Тожиев бир марта фарғоналиклар дарвозасини ишғол қилишган. Бунга мезбонлар сафида Санжар Асқаралиев жавоб бера олган холос – 1:3. Зайниддин Тожиев иккинчи даврада “Нефтчи” сафида ўйнамоқда.

Тошкентда ўтган сўнгги беш учрашув:

15.04.2012 «Локомотив» - «Нефтчи» 1:1

13.03.2010 «Локомотив» - «Нефтчи» 3:1

05.03.2009 «Локомотив» - «Нефтчи» 2:1

02.11.2008 «Локомотив» - «Нефтчи» 4:1

16.04.2007 «Локомотив» - «Нефтчи» 1:3

Ўзаро ўйинлар ҳақида факт: “Локомотив” ўз майдонида ўтган 8та ўйиннинг 5тасида зафар қучган. “Нефтчи” икки марта (2004 ва 2007 йилларда) Тошкентда уч очко билан қайтган. Ўтган йил бу жамоалар биринчи марта Пойтахтда дуранг қайд этишди. “Локомотив” майдонида бўлиб ўтган охирги тўрт ўйинда “Нефтчи” ғолиб бўла олмаган.

Нарзулла Сайдуллаев тайёрлади.