Премьер лига клублари июнь ойи охирига қадар мавсумни якунлашдан умидвор
22 мар 2020 07:57
Янгиликлар

Премьер лига клублари июнь ойи охирига қадар мавсумни якунлашдан умидвор

“Саутгемптон” клуби ижрочи директори Мартин Семменснинг хабар беришича, АПЛ клублари 30 июнга қадар мавсумни якунлаб олишни режа қилишмоқда.

Чунки клубларда футболчилар билан шартномалар айнан ушбу муддатга қадар тузилади ва мавсум давомийлиги чўзиладиган бўлса, бу бир қатор муаммоларни келтириб чиқариши мумкин.

“Биз июнь ойи охирига қадар мавсумни якунлай олишимизга умид қилаяпмиз. Бу ҳамма учун яхши бўлади. Агар мавсум якунланиши 30 июндан ўтиб кетадиган бўлса, юридик жиҳатдан муаммолар кузатилади. Агар мавсум 15 июлга қадар ўйналадиган бўлса, шартномаси тугайдиган футболчилар билан яна икки ҳафтага шартномаларни узайтириш лозим бўлади. Буни футболчиларга тушунтириш ҳам осон бўлмайди”, дея Семменснинг сўзларидан иқтибос келтирмоқда ВВС.

Айни пайтда Англияда Европанинг бошқа мамлакатлари сингари чемпионат баҳслари коронавирус пандемияси сабаб тўхтатилган. Дастлаб беллашувлар 4 апрелдан қайта старт олиши режалаштирилганди. Аммо мавсумни май ойига қадар давом эттирмаслик белгиланди.

Ҳавола :

Манба : ВВС

Янгиликларни Телеграмда ўқинг!

Рейтинг: +1