Предраг Роган "Нефтчи" билан ўйиндан кейин: "Мухлислар олдида уятдамиз"

- Авваламбор, «Нефтчи»ни ғалаба билан табриклайман. Биз ғалаба учун ҳеч нарса қила олмадик. Футболда ғолиб бўлиш учун майдонда рақибдан устунлигингни исботлашинг керак. Бугунги ўйинимиз учун мухлислар олдида уятдамиз. Биз ҳали жуда кўп ишлашимиз шарт.

Ўйин бошланганидан кейин илк сониялардаёқ гол ўтказиб юборганимиз ҳам таъсир қилди. Жамоа таркиби асосан ёшлардан иборат, бундай паллада тезкор гол уларнинг руҳий ҳолатига таъсир этмай қўймайди. Бу борада ҳам иш олиб боришимиз керак. Бу баҳона сифатида кўриниши мумкин, аммо таркибимиз янги, жамоа янги, уларнинг майдонда яхшироқ тил топишишлари учун вақт талаб этилади. Умуман олганда, бугун қилишимиз бўлган ишларни бажара олмадик. Бунинг учун мухлислардан узр сўрайман. Эртага янги кун, бу баҳсни унутиб, бор эътиборимизни кейинги ўйинларга тайёргарликка қаратамиз, - деди Предраг Роган.

Усмон Ибодов ёзиб олди.