UZ

Сўнгги янгиликлар

03:19Эрон Про лигаси. "Трактор" ўз уйида ғалабага эришди, Ҳамробеков бир бўлим ҳаракат қилди  0 03:10А Серия. "Ювентус" "Кальяри"ни, "Милан" "Лацио"ни мағлуб этди  2 03:03Саудия Арабистони Қирол кубоги. "Ал Ҳилол" ва "Ал Иттиҳод" ўз рақибларини йирик ҳисобда мағлуб этди  0 03:00АПЛ. "Тоттенхэм" Лондон дербисида "Фулхэм"га мағлуб бўлди  2 02:57Ла Лига. "Атлетико" ўз уйида Серлотнинг дубли эвазига "Реал Овьедо"ни қийинчиликсиз мағлуб этди  0 02:01Бундеслига. "Бавария" қийинчилик билан "Санкт-Паули"ни мағлуб этди, "Боруссия" эса меҳмонда "Байер"ни мағлуб этди  0 00:56Ўзбекистон U-18 қизлар терма жамоаси Эронни CAFA мусобақасида мағлуб этган ўйиндан ФОТОГАЛЕРЕЯ  2 00:45Суперлига. "Қизилқум" - "Шўртан" 3:3   0 00:07Туркия Суперлигаси. "Башакшехир" меҳмонда ғалабага эришди, Шомуродов ва Файзуллаев гол урди!  57 23:35Суперлига. "Навбаҳор" – "Пахтакор" 1:1  0 23:14Лига 1. "Монако" ўз уйида ПСЖни мағлуб этди  9 22:24Ла Лига. "Барселона" "Камп Ноу"да "Алавес"ни мағлуб этди  49 22:05АПЛ. "Манчестер Сити" 90+1 дақиқада Фоден томонидан урилган гол эвазига "Лидс"ни мағлуб этди, Ҳусанов захирада қолдирилди  18 21:49Акмал Рустамов: "Келаси йил кучлилар орасида бўлишни хоҳлаймиз"  1 21:19Асрор Алиқулов: "Шўртан" Суперлига даражасидаги жамоа, келаси йил яна қайтишимиз керак"  2

Ўзбекистонда VAR тизимини йўлга қўйиш мавзусида ўтказилган семинар якунланди Янгиликлар

Ўзбекистонда VAR тизимини йўлга қўйиш мавзусида ўтказилган семинар якунланди

Теглар :  ФИФАVARОФКЎФА
Хабарингиз бор, халқаро тажрибадан келиб чиққан ҳолда, ФИФА ҳамда ОФК тавсияларига мувофиқ, футбол учрашувлари вақтида адолат ва шаффофликни таъминлаш мақсадида Ўзбекистонда ҳам VAR (Video Assistant Referee – видео ёрдамчи ҳакам) тизимини жорий этиш кўзда тутилмоқда.

Шу мақсадда Тошкентда VAR тизимини йўлга қўйиш, ушбу тизимдан самарали фойдаланиш бўйича семинар бошлангани ҳақида маълумот берган эдик.

ФИФА ва ИФАБ мутахассислари томонидан мазкур замонавий тизимни йўлга қўйишда эътибор қаратиш лозим бўладиган жиҳатлар, бунга қадар VAR тизими жорий этилган мамлакатлар тажрибасидан унумли фойдаланиш, VAR тизимининг фойдали жиҳатлари, ушбу тизимни самарали қўллашда оператор ва ҳакамларнинг аҳамияти бўйича зарур кўникмалар тақдим этилган семинар якунланди.

Ўзбекистон футбол ассоциацияси ташаббуси билан ташкил этилган ушбу семинарда ФИФА Ҳакамлар бошқармасидан Майкл Босслер, ФИФАнинг футболда замонавий технологияларни татбиқ этиш бошқармасидан Бхвешан Морген ва ИФАБ вакили Тибо Нийсен бу борадаги ўз билим ва тажрибалари билан ўртоқлашишди.

Қайд этиш жоиз, ФИФА ва ИФАБ тавсияларига мувофиқ VAR тизимини йўлга қўйиш учун 7 ойдан 12 ойгача вақт талаб этилади ва бу 3 босқичда амалга татбиқ этилади. Қолаверса, VAR тизимини тўлиқ йўлга қўйиш учун ҳар жиҳатдан пухта тайёргарлик олиб бориш лозим бўлади. Яъни, дастлабки икки босқичда бу борада етарлича тажрибага эга VAR провайдери билан ҳамкорлик йўлга қўйилади, ушбу тизим бўйича ишлайдиган мутахассислар, видеоператорлар тайёрланади, стадионлар VAR тизимидан фойдаланиаш учун мослаштирилади, VAR бўйича ишловчи ҳакамлар малакаси оширилади, шунингдек, якуний босқичда футболчи, мураббийлар, футбол жамоатчилигига VAR тизими ишлаш тартиби бўйича зарур маълумотлар тақдим этилади. Шундан кейингина VAR тизимидан фойдаланиш мумкин бўлади.

Ўзбекистон футбол ассоциацияси ФИФА ва ИФАБ тавсияларига амал қилган ҳолда юқорида санаб ўтилган барча жиҳатлар бўйича пухта ҳозирлик ишлари олиб боради. Бу борадаги дастлабки қадамлар аллақачон қўйила бошланди. 21-22 ноябр кунлари ташкил этилган ушбу семинар давомида VARни йўлга қўйишда эътибор қаратиш лозим бўлган ҳар бир жиҳатга батафсил тўхталиб ўтилди. Эндиликда мазкур тизимни Ўзбекистонда ҳам жорий этиш бўйича кенг қамровли иш олиб борилади ва VAR тизимидан режага мувофиқ тарзда босқичма-босқич 2021 йилдан бошлаб фойдаланила бошланади.

Рейтинг: +3   

Фикрлар

championat.asia
< сўнгги янгиликларни кўриш
Яндекс.Метрика