Ўзбекистон - Туркия баҳсини озарбайжонлик ҳакамлар бригадаси бошқаради
18 июл 2013 16:53
Янгиликлар

Ўзбекистон - Туркия баҳсини озарбайжонлик ҳакамлар бригадаси бошқаради

14 август куни бўлиб ўтадиган Ўзбекистон ҳамда Туркия миллий терма жамоалари ўртасидаги учрашувни Алиёр Агаев бошчилигидаги озарбайжонлик ҳакамлар бошчилигидаги ҳакамлар бригадаси бошқариб боради.

Агаевга қанотларда Меҳмон Маҳмудов ҳамда Вагиф Мусаевлар ёрдам беришади.

Таъкидлаш лозим, Туркияга қарши ўртоқлик учрашуви Ўзбекистон миллий терма жамоаси учун ЖЧ-2014 саралаши плей-офф учрашувларидан олдинги тайёргарлик вазифасини ўтаб беради. Эслатиб ўтамиз, Миржалол Қосимов бошчилигидаги Ўзбекистон миллий терма жамоаси 6-10 сентябрь кунлари Иордания терма жамоасига қарши ЖЧ-2014 саралаши плей-офф учрашувларида майдонга тушади. Дастлабки учрашув 6 сентябрь куни Иордания пойтахти Амман шаҳрида ўтказилса, жавоб ўйинига 10 сентябрь куни Тошкент шаҳри мезбонлик қилади.

Ўзбекистон ҳамда Туркия миллий терма жамоалари ўртасидаги халқаро ўртоқлик учрашуви 14 август куни Тошкентдаги «Пахтакор» стадионида бўлиб ўтади. Учрашувнинг бошланиш вақти 19:00га белгиланган.

Ҳавола :

Манба : the-uff.com

Янгиликларни Телеграмда ўқинг!

Рейтинг: